ఆరంభం.. పీక్.. పేలవం.. కోహ్లి టెస్టు కెరీర్ లో 3 పార్ట్ లు.. రన్స్ ఇలా

14 ఏళ్ల సుదీర్ఘ టెస్టు కెరీర్ కు విరాట్ కోహ్లి వీడ్కోలు పలికాడు. సోమవారం (మే 13) టెస్టు రిటైర్మెంట్ ప్రకటించాడు. 2011లో టెస్టుల్లో అడుగుపట్టాడు విరాట్.

2011 నుంచి 2025 వరకు విరాట్ కోహ్లి టెస్టు కెరీర్ కొనసాగింది. 123 టెస్టుల్లో కింగ్ 9230 రన్స్ చేశాడు. 30 సెంచరీలు చేశాడు. 31 హాఫ్ సెంచరీలు బాదాడు. అతని అత్యధిక స్కోరు 254.

విరాట్ కోహ్లి టెస్టు కెరీర్ ను మూడు పార్ట్ లుగా డివైడ్ చేయొచ్చు. 2011 నుంచి 2015 వరకు కోహ్లి 41 టెస్టులాడాడు. 44.02 సగటుతో 2994 పరుగులు చేశాడు. ఇందులో 11 సెంచరీలున్నాయి.

2016 నుంచి 2019 వరకు విరాట్ కోహ్లీలోని పీక్ దశ. ఈ పీరియడ్ లో 43 టెస్టులాడిన విరాట్ 4208 పరుగులు చేశాడు. అతని సగటు 66.79గా ఉండటం విశేషం. ఏకంగా 16 సెంచరీలు చేశాడు. ఈ టైమ్ లోనే ప్రపంచ క్రికెట్లో గొప్ప బ్యాటర్లలో ఒకడిగా విరాట్ ఎదిగాడు.

కరోనా బ్రేక్ తో విరాట్ కెరీర్ కూ బ్రేక్ పడింది. 2020 నుంచి 2025 వరకు పేలవ దశ చూశాడు కోహ్లి. 39 మ్యాచ్ ల్లో 2028 పరుగులే చేశాడు. అతని సగటు 30.72కు పడిపోయింది. కేవలం 3 సెంచరీలు మాత్రమే చేయగలిగాడు. చివరకు గుడ్ బై చెప్పేశాడు.