Operation Valentine Run Time: తక్కువ రన్‍టైమ్‍తోనే ఆపరేషన్ వాలెంటైన్ సినిమా.. సెన్సార్ పూర్తి

మెగా యంగ్ స్టార్ వరుణ్ తేజ్ హీరోగా నటించిన ఆపరేషన్ వాలెంటైన్ సినిమా మార్చి 1వ తేదీన థియేటర్లలో రిలీజ్ కానుంది. పుల్వామా ఉగ్రదాడి తర్వాత పాకిస్థాన్‍పై భారత ఎయిర్ ఫోర్స్ చేసిన వైమానిక దాడులు స్ఫూర్తిగా ఈ చిత్రం వస్తోంది.

ఆపరేషన్ వాలెంటైన్ సినిమాకు శక్తి ప్రతాప్ సింగ్ హడా దర్శకత్వం వహించారు. వరుణ్ తేజ్ సరసన మానుషి చిల్లర్ ఈ చిత్రంలో హీరోయిన్‍గా నటించారు. 

ఆపరేషన్ వాలెంటైన్ సినిమా సెన్సార్ పనులు తాజాగా పూర్తయ్యాయి. ఈ చిత్రానికి యూ/ఏ సర్టిఫికేట్ ఇచ్చింది సెన్సార్ బోర్డు. ఈ విషయాన్ని మూవీ టీమ్ అధికారికంగా ప్రకటించింది. 

సెన్సార్ పూర్తవడంతో ఆపరేషన్ వాలెంటైన్ రన్‍టైమ్ (నిడివి) వివరాలు బయటికి వచ్చాయి. ఈ చిత్రం రన్‍టైమ్ 2 గంటల 4 నిమిషాలు (124 నిమిషాలు)గా ఉంది. చాలా చిత్రాలతో పోలిస్తే ఇది తక్కువ రన్‍టైమే.

ఆపరేషన్ వాలెంటైన్ చిత్రం తెలుగు, హిందీలో ద్విభాషా చిత్రంగా తెరకెక్కింది. ఈ మూవీకి మిక్కీ జే మేయర్ సంగీతం అందించారు. దేశభక్తి ఈ మూవీలో ప్రధానంగా ఉండనుంది. ఎయిర్ ఫోర్స్ అధికారిగా వరుణ్ తేజ్ నటించారు.