True Lover OTT Streaming: ఎమోషనల్ ‘ట్రూ లవర్’ మూవీని ఓటీటీలో ఎప్పుడు.. ఎక్కడ చూడొచ్చు? వివరాలివే

మణికందన్, శ్రీగౌరి ప్రియ హీరోహీరోయిన్లుగా నటించిన ‘లవర్’ సినిమా తమిళంలో ఫిబ్రవరి 9న రిలీజై మంచి వసూళ్లు సాధించింది. తెలుగులో ఫిబ్రవరి 10న ట్రూలవర్‌గా ఈ ఎమోషనల్ లవ్ స్టోరీ మూవీ వచ్చింది.

ట్రూ లవర్ చిత్రం థియేటర్లలో దాదాపు అంచనాలను అందుకుంది. ప్రభురాం వ్యాస్ దర్శకత్వం వహించిన ఈ చిత్రం ఇప్పుడు ఓటీటీలోకి రానుంది. 

లవర్ సినిమా డిస్నీ+ హాట్‍స్టార్ ఓటీటీ ప్లాట్‍ఫామ్‍లో రేపు (మార్చి 27) స్ట్రీమింగ్‍కు రానుంది. మార్చి 27వ తేదీ అర్ధరాత్రి నుంచే హాట్‍స్టార్ ఓటీటీలో అందుబాటులో ఉండనుంది.  

లవర్ మూవీ మార్చి 27న తమిళం, తెలుగుతో పాటు హిందీ, కన్నడ, మలయాళం భాషల్లోనూ హాట్‍స్టార్‌లో స్ట్రీమింగ్ అవనుంది. 

లవర్ చిత్రంలో మణికందన్, శ్రీగౌరి ప్రియతో పాటు కన్నా రవి, గీత కైలాసం, హరీశ్ కుమార్, నిఖిల శంకర్, రిని, పింటు పండు కీలకపాత్రలు చేశారు.  ప్రభురాం వ్యాస్ డైరెక్ట్ చేసిన ఈ చిత్రానికి సీన్ రొనాల్డ్ సంగీతం అందించారు.