OTT: ఓటీటీలో కచ్చితంగా చూడాల్సిన టాప్ 6 సినిమాలు.. ఒక్కోటి ఒక్కో జోనర్.. తెలుగులో 2 స్పెషల్.. వీకెండ్‌కు బెస్ట్!

టాప్ 6 ఓటీటీ సినిమాలు: హాలీవుడ్, బాలీవుడ్ సినిమాలతో పాటు సౌత్ ఇండియన్ సినిమాలు కూడా ఈవారం ఓటీటీ వీక్షకులను ఆకర్షిస్తున్నాయి. దేశవిదేశాల్లోని ఓటీటీ ప్రేక్షకులు దక్షిణాది సినిమాలను చూసేందుకు ఆసక్తిగా ఎదురుచూస్తున్నారు. ఈ క్రమంలో మార్చి 23 నుంచి మార్చి 30 వరకు పలు సినిమాలు ఓటీటీలో విడుదల అయి, కొన్ని కానున్నాయి. ఈ వారం నెట్ ఫ్లిక్స్, అమెజాన్ ప్రైమ్, జీ5, జియోహోట్ స్టార్ వంటి ఓటీటీ ప్లాట్ ఫామ్స్‌లో కన్నడ, తెలుగు, తమిళ, మలయాళ చిత్రాలు అందుబాటులోకి వచ్చాయి. మరి వాటిలో చూడాల్సిన టాప్ 6 ఓటీటీ సినిమాలు ఏంటో ఇక్కడ తెలుసుకుందాం.

అన్పోడు కన్మణి ఓటీటీ (మలయాళం): ఈ మలయాళ చిత్రం అమెజాన్ ప్రైమ్‌లో ఓటీటీ స్ట్రీమింగ్ అవుతోంది. ఈ ఏడాది విడుదలైన అర్జున్ అశోకన్ మూడో చిత్రం ఇది. ఈ చిత్రంలో అనఘా నారాయణన్ కథానాయికగా నటించారు. మార్చి 26 నుంచి అన్పోడు కన్మణి ఓటీటీ స్ట్రీమింగ్ అవుతోంది. ఇది ఫ్యామిలీ కామెడీ డ్రామా జోనర్‌లో వచ్చి మంచి సక్సెస్ అయింది.

మజాకా ఓటీటీ (తెలుగు): తెలుగు రొమాంటిక్ కామెడీ చిత్రం మజాకా జీ5లో ఓటీటీ రిలీజ్ అయింది. మార్చి 28 నుంచి ఓటీటీ స్ట్రీమింగ్ అవుతోన్న ఈ సినిమాలో సందీప్ కిషన్, రీతూవర్మ, రావు రమేష్, అన్షు ప్రధాన పాత్రల్లో నటించారు. త్రినాధ రావు దర్శకత్వం వహించారు. ఒకే కుటుంబానికి చెందిన మహిళలను ప్రేమించే తండ్రీకొడుకుల కథతో ఈ చిత్రం తెరకెక్కింది.

మిస్టర్ హౌస్ కీపింగ్ ఓటీటీ (తమిళం): తమిళ రొమాంటిక్ కామెడీ చిత్రం మిస్టర్ హౌస్ కీపింగ్ ఆహా తమిళ్ ఓటీటీలో డిజిటల్ స్ట్రీమింగ్ అవుతోంది. మార్చి 25 ప్రసారం అవుతోన్న ఈ సినిమాలో హరి భాస్కర్, లోస్లియా మారిన్సన్ ప్రధాన పాత్రల్లో నటించారు. అరుణ్ రవిచంద్రన్ దర్శకత్వం వహించిన ఈ చిత్రంలో ఇళవరసు, షరా, రాయన్ తదితరులు నటించారు.

అగత్యా ఓటీటీ (తెలుగు-తమిళం):

తెలుగు, తమిళ రెండు భాషల్లో విడుదలైన హారర్ ఫాంటసీ అడ్వెంచర్ థ్రిల్లర్ మూవీ అగత్యా. సన్ ఎన్‌ఎక్స్‌టీ ఓటీటీలో తమిళంలో స్ట్రీమింగ్ అవుతోన్న ఈ సినిమాలో అర్జున్ సర్జా, జీవీ, రాశీ ఖన్నా నటించారు. అలాగే, అమెజాన్ ప్రైమ్‌లో తమిళం, తెలుగు భాషల్లో అగత్యా ఓటీటీ రిలీజ్ అయింది. ఈ సినిమాకు పా విజయ్ దర్శకత్వం వహించారు.

యూఐ ఓటీటీ (కన్నడ): ఉపేంద్ర నటించి, దర్శకత్వం వహించిన డిఫరెంట్ యాక్షన్ థ్రిల్లర్ మూవీ యూఐ ఈ ఉగాది సందర్భంగా బుల్లితెరపై స్ట్రీమింగ్ కానుంది. అదే సమయంలో మార్చి 30న జీ5లో యూఐ ఓటీటీ స్ట్రీమింగ్ కానుందని సమాచారం. దీనిపై అధికారిక ప్రకటన అయితే రాలేదు. జీ కన్నడ ఛానెల్‌లో మార్చి 30న యూఐ ప్రసారం కానుంది.

తాయి కస్తూర్ గాంధీ ఓటీటీ (కన్నడ): బరగూరు రామచంద్రప్ప దర్శకత్వంలో జనమిత్ర మూవీస్ నిర్మించిన కన్నడ చిత్రం 'తాయి కస్తూర్ గాంధీ'. మార్చి 28 నుంచి అమెజాన్ ప్రైమ్‌లో తాయి కస్తూర్ గాంధీ ఓటీటీ స్ట్రీమింగ్ అవుతోంది. ఇందులో కస్తూర్బాగా హరిప్రియ, గాంధీగా కిశోర్ నటించారు. ఈ చిత్రం బరగుర నవల ఆధారంగా రూపొందింది. 'తాయి కస్తూర్ గాంధీ' కస్తూర్బా గాంధీపై తీసిన మొదటి చిత్రం. కస్తూర్బా జీవితంలోని కొన్ని ముఖ్యమైన సంఘటనల ద్వారా చిత్రమిది.