OTT Trending: ఓటీటీలో చూడాల్సిన ట్రెండింగ్ సినిమాలు ఇవే! ఇప్పటికీ టాప్ 1లో రామ్ చరణ్ గేమ్ ఛేంజర్- తర్వాత ఏమేం ఉన్నాయంటే?

అమెజాన్ ప్రైమ్ ఓటీటీలో టాప్ 10 సినిమాలు ఇక్కడ ఉన్నాయి. వీటిలో చూాడాల్సిన బెస్ట్ సినిమాలు కూడా ఉన్నాయి. ఫిబ్రవరి మూడో వారంలో అమెజాన్ ప్రైమ్‌లో రామ్ చరణ్ 'గేమ్ ఛేంజర్' టాప్ 1లో నిలిచింది. మరి మిగతా సినిమాల టాప్ 10 ప్లేసులు ఏంటో లుక్కేద్దాం. 

1. గేమ్ ఛేంజర్:  రామ్ చరణ్ నటించిన గేమ్ ఛేంజర్ అమెజాన్ ప్రైమ్ ఓటీటీలో నెంబర్ వన్ ట్రెండింగ్‌లో ఉంది. ఈ సినిమాను శ్రీ వెంకటేశ్వర క్రియేషన్స్ పతాకంపై దిల్ రాజు, శిరీష్ నిర్మించారు. రామ్ చరణ్ ద్విపాత్రాభినయం చేసిన ఈ చిత్రంలో కియారా అద్వానీ, అంజలి కథానాయికలుగా నటించారు. ఈ చిత్రం బాక్సాఫీస్ వద్ద ఆశించినంతగా ఆడలేదు. అయితే ఇప్పుడు ఓటీటీలో ట్రెండ్ అవుతోంది.

2. ది మెహతా బాయ్స్: గత వారం మాదిరిగానే ఈ వారం కూడా ఈ బాలీవుడ్ మూవీ ప్రైమ్ వీడియోలో రెండో స్థానంలో ట్రెండింగ్‌లో ఉంది. తండ్రీకొడుకుల మధ్య జరిగే సమస్యే ఈ చిత్ర కథ. బొమన్ ఇరానీ దర్శకత్వం వహించిన ఈ చిత్రానికి ఇరానీ, అలెగ్జాండర్ డైనారిస్ రచన చేశారు. ఈ చిత్రంలో ఇరానీ, అవినాష్ తివారీ, శ్రేయా చౌదరి కూడా నటించారు. ఈ చిత్రం ఫిబ్రవరి 7న అమెజాన్ ప్రైమ్ ఓటీటీలో విడుదలైంది.

3. మై ఫాల్ట్: లండన్: మై ఫాల్ట్ లండన్ పేరుతో ఒక బ్రిటిష్ సినిమా అమెజాన్ ప్రైమ్ వీడియోలో ట్రెండ్ అవుతోంది. ఇది డానీ గిర్డ్ వుడ్, షార్లెట్ ఫాస్లర్ దర్శకత్వం వహించిన ఒక రొమాంటిక్ చిత్రం. ఆశా బ్యాంక్స్, మాథ్యూ బ్రూమ్, ఈవ్ మాక్లిన్, రే ఫియర్న్, సామ్ బుకానన్, జాసన్ ఫ్లెమింగ్ నటించారు. ఈ చిత్రం ఫిబ్రవరి 13 న అమెజాన్ ప్రైమ్ వీడియోలో విడుదలైంది. ప్రస్తుతం తెలుగులో కూడా అందుబాటులో ఉంది.

4. గామి: ఈ 2024 తెలుగు అడ్వెంచర్ థ్రిల్లర్ సినిమాకు విద్యాధర్ కగితా దర్శకత్వం వహించారు. విశ్వక్ సేన్, చాందినీ చౌదరి, అభినయ, హారిక పేడాడ, మహమ్మద్ సమద్ ముఖ్య పాత్రల్లో నటించారు. ఈ చిత్రం ప్రైమ్ వీడియోలో టాప్ 4 లో ఉంది.

5. ది ఆర్డర్: ఇది 2024 కెనడియన్ క్రైమ్ థ్రిల్లర్ చిత్రం, దీనికి జస్టిన్ కుర్జెల్ దర్శకత్వం వహించారు. ఇది 1989 నాన్-ఫిక్షన్ పుస్తకం ది సైలెంట్ బ్రదర్ హుడ్: ది చిల్లింగ్ ఇన్‌సైడ్ స్టోరీ ఆఫ్ అమెరికాస్ వయలెన్స్, ప్రభుత్వ వ్యతిరేక మిలీషియా ఉద్యమం ఆధారంగా రూపొందించబడింది. ఇది టాప్ 5లో కొనసాగుతోంది.

6. డార్క్: బాలసుబ్రహ్మణ్యం కెజి దర్శకత్వం వహించిన డార్క్ (తమిళంలో బ్లాక్)  సినిమా విహారయాత్రలో ఒక జంట ఎదుర్కొనే హింసాత్మక సంఘటనల కథను చెబుతుంది. నటులు జీవా, ప్రియా భవానీ శంకర్ ఇందులో నటించారు. మిస్టరీ థ్రిల్లర్ డ్రామాగా తెరకెక్కిన ఈ సినిమా డార్క్ పేరుతో వివిధ భాషల్లో అందుబాటులో ఉంది. ఈ వారం అమెజాన్ ప్రైమ్ వీడియోలో టాప్ 6 లో ట్రెండింగ్ లో ఉంది. 
 

హ్యాష్ ట్యాగ్ తడేవ్ లగ్నం సినిమా టాప్ 7 స్థానంలో ఉండగా.. టాప్ 8లో ఈ వారం హారర్ చిత్రం బ్యాగ్ మాన్ ఉంది. ఇక తెలుగు రొమాంటిక్ మూవీ ధూమ్ ధామ్ ఇంటర్ స్టెల్లార్ సినిమాలు వరుసగా తొమ్మిది, పది స్థానాల్లో అమెజాన్ ప్రైమ్ ఓటీటీ ట్రెండింగ్‌లో నిలిచాయి.