Megha Akash Wedding: ప్రియుడిని పెళ్లిచేసుకున్న టాలీవుడ్ హీరోయిన్ - వెడ్డింగ్ ఫొటోస్ వైర‌ల్‌

మేఘా ఆకాష్‌, సాయివిష్ణు పెళ్లి చైన్నైలోని ఓ ఫంక్ష‌న్‌ హాల్‌లో ఆదివారం జ‌రిగింది. పెళ్లి వేడుక‌కు త‌మిళ‌నాడు సీఏం స్టాలిన్ తో పాటు ప‌లువురు సినీ రాజ‌కీయ ప్ర‌ముఖులు హాజ‌ర‌య్యారు. 

సాయివిష్ణుతో చాలా కాలంగా మేఘా ఆకాష్ ప్రేమ‌లో ఉన్న‌ట్లు స‌మాచారం. సాయివిష్ణు త‌మిళ‌నాడులోని ప్ర‌ముఖ రాజ‌కీయ నాయ‌కుడి కుమారుడు అని స‌మాచారం. 

నితిన్ లై మూవీతో టాలీవుడ్‌లోకి ఎంట్రీ ఇచ్చింది మేఘా ఆకాష్‌. ఛ‌ల్ మోహ‌న‌రంగా, డియ‌ర్ మేఘ‌, రాజ రాజ చోర‌తో పాటు తెలుగులో ప‌లు సినిమాలు చేసింది. 

త‌మిళంలో ర‌జ‌నీకాంత్‌, హిందీలో స‌ల్మాన్‌ఖాన్‌తో సినిమాలు చేసినా మేఘా ఆకాష్‌కు స‌క్సెస్‌లు ద‌క్క‌లేదు. 

ప్ర‌స్తుతం తెలుగులో స‌హఃకుటుంబ‌నామ్‌తో పాటు మ‌రో సినిమా చేస్తోంది మేఘా ఆకాష్‌. పెళ్లి త‌ర్వాత మేఘా ఆకాష్ సినిమాల‌ను కంటిన్యూ చేయ‌నున్న‌ట్లు స‌మాచారం.