ఈ రాశుల వారికి ఆర్థిక సమస్యలు రావొచ్చు!.. ప్రతికూల పరిస్థితులు.. మరింత జాగ్రత్త అవసరం

గ్రహాల సంచారాలతో తరచూ యోగాలు ఏర్పడుతుంటాయి. ఈ క్రమంలో ఈనెల ఫిబ్రవరి చివరి వారంలో త్రిగ్రాహి యోగం ఏర్పడనుంది. దీనివల్ల కొన్ని రాశులకు అనుకూలంగా, మరికొన్ని రాశులకు ప్రతికూలంగా ఉంటుంది. 

ఫిబ్రవరి 27న బుధుడు.. మీనరాశిలో అడుగుపెట్టనున్నాడు. ఇప్పటికే ఆ రాశిలో రాహు, శుక్రుడు ఉన్నారు. అదే రాశిలో బధుడు ప్రవేశించనుండటంతో మూడు గ్రహాల కలయితో ఫిబ్రవరి 27న త్రిగ్రాహి యోగం ఏర్పడనుంది. మే 7 వరకు మీనరాశిలో బుధుడు సంచరిస్తాడు. ఈ త్రిగ్రాహి యోగం కాలంలో మూడు రాశుల వారికి కష్టాలు ఎదురయ్యే అవకాశం ఉంది. వారి కొన్ని విషయాల్లో ఎక్కువ జాగ్రత్తగా ఉండాలి. 

సింహం: త్రిగ్రాహి యోగం వల్ల సింహ రాశి వారికి ఇబ్బందులు తలెత్తే అవకాశాలు ఉంటాయి. ముఖ్యంగా ఆర్థిక సమస్యలు ఎదుర్కొనే అవకాశాలు ఉంటాయి. ఈ విషయంలో ఎక్కువ జాగ్రత్తగా ఉండాలి. డబ్బు పొదుపు చేయాలి. ఆలోచించి ఖర్చు చేయాలి. కుటుంబ సభ్యులతో వాదనలు జరిగొచ్చు. అందుకే ఆచితూచి మాట్లాడాలి. 

తుల: ఈ కాలంలో తులారాశి వారికి సమస్యలు ఎదురుకావొచ్చు. పెద్ద నిర్ణయాలు తీసుకునే ముందు ఎక్కువసార్లు ఆలోచించాలి. ఎవరికైనా రుణం ఇచ్చే ముందు అన్ని కోణాల్లో ఆలోచించి నిర్ణయం తీసుకోవాలి. ఈ కాలంలో వీరు ఖర్చులు ఎక్కువగా చేసే అవకాశం ఉంటుంది. అందుకే లెక్కలు పక్కాగా చూసుకోవాలి. ఆర్థిక సమస్యలను అధిగమించేందుకు సిద్ధంగా ఉండాలి. 

మేషం: మీనరాశిలో త్రిగ్రాహి యోగం.. మేషరాశి వారికి ప్రతికూలంగా ఉంటుంది. ఈ కాలంలో వీరికి ఆత్మవిశ్వాసం తక్కువగా ఉంటుంది. వ్యాపారులకు ఇబ్బందులు ఎదురవొచ్చు. ఆర్థిక స్థితి గతం కంటే కాస్త సమస్యగా ఉంటుంది. ఉద్యోగులు పనిలో మరింత జాగ్రత్తలు వహించాలి. (గమనిక: శాస్త్రాలు, విశ్వాసాల ఆధారంగా ఈ సమాచారం అందించాం. వీటికి కచ్చితమైన ఆధారాలు ఉండవు. సందేహాల నివృత్తి, వ్యక్తిగత ప్రభావాల కోసం సంబంధిత నిపుణులను సంప్రదించవచ్చు.)