ఈవారంలోనే బుధుడి తిరోగమనం: ఈ 4 రాశుల వారికి మెండుగా అదృష్టం.. ధనం, ఆనందం!

బుధుడు ఈవారంలోనే మార్చి 15న మీనరాశిలో తిరోగమన దిశలో సంచరించడం మొదలుపెట్టనున్నాడు. మీనంలో ఏప్రిల్ 7 వరకు తిరోగమనంలో బుధుడు సంచరిస్తాడు. ఈ కాలంలో నాలుగు రాశుల వారికి అదృష్టం, ప్రయోజనాలు ఎక్కువగా ఉంటాయి. ఆ వివరాలివే..

కుంభం: మీనంలో బుధుడి తిరోగమనం వల్ల కుంభ రాశి వారికి ప్రయోజనాలు కలుగుతాయి. ఈ కాలంలో వీరికి ఆదాయం పెరిగే అవకాశాలు ఉంటాయి. తీసుకునే నిర్ణయాలు మంచి ఫలితాలను ఇస్తాయి. ఆత్మవిశ్వాసం కూడా పెరుగుతుంది. కుటుంబంతో ఆనందంగా సమయం గడుపుతారు. 

వృశ్చికం: బుధుడి తిరోగమన కాలంలో వృశ్చిక రాశి వారికి కూడా అదృష్టం ఎక్కువ. కుటుంబంలో శాంతి నెలకొంటుంది. జీవిత భాగస్వామితో సంతోషంగా ఉంటారు. వ్యాపారులు, ఉద్యోగులకు ధనపరమైన విషయాల్లో పరిస్థితులు కలిసివస్తాయి. ప్రయాణాలు చేయాల్సి రావొచ్చు. సమాజంలో గౌరవం అధికమవుతుంది. 

వృషభం: ఈ కాలంలో వృషభ రాశి వారికి శుభప్రదంగా ఉంటుంది. వీరికి ధన లాభాలు ఎక్కువగా కలుగుతాయి. చేసే పనుల్లో ఎక్కువ శాతం విజయాలు కలుగుతాయి. మానసికంగా ప్రశాంతత, ఆనందం ఉంటుంది. కొత్త పనులు చేసేందుకు ఉత్సాహం కనబరుస్తారు. కుటుంబ సభ్యులతో బంధం మరింత మెరుగవుతుంది. 

తుల: మీనంలో బుధుడు తిరోగమనంలో సంచరించే కాలం తులా రాశి వారికి లాభదాయకం. ఈ కాలంలో చాలా విషయాల్లో సక్సెస్ అవుతారు. ఆర్థిక పరిస్థితి గతం కంటే మెరుగ్గా ఉంటుంది. వేరే వ్యక్తుల నుంచి రావాల్సిన డబ్బు చేతికి అందొచ్చు. వ్యక్తిగత జీవితంలో సంతోషం ఉంటుంది. (గమనిక: నమ్మకాలు, శాస్త్రాల విశ్వాసాల ఆధారంగా ఈ సమాచారం అందించాం. ఇవి అంచనాలు మాత్రమే, ఆధారాలు ఉండవు.  సందేహాల నివృత్తి, వ్యక్తిగత ప్రభావాల కోసం సంబంధిత నిపుణులను సంప్రదించవచ్చు.)