వచ్చే నెల ఈ రాశుల వారి టైమ్ మారనుంది.. ఆనందం, ఆదాయం పెరుగుతాయి!

గ్రహాల రాకుమారుడిగా పరిగణించే బుధుడి కదలికలు రాశులపై ఎక్కువ ప్రభావాన్ని చూపుతాయి. వివేకం, వ్యాపారం, విద్యకు కారకుడిగా బుధుడిని భావిస్తారు. అలాంటి బుధుడు వచ్చే నెల (మే)లో రాశి మారనున్నాడు.

ప్రస్తుతం మీనరాశిలో సంచరిస్తున్న బుధుడు మే నెలలో మేషరాశిలోకి అడుగుపెడతాడు. మే 7వ తేదీన మేషరాశిలో బుధుడు ప్రవేశిస్తాడు. మే 23వ తేదీ వరకు అదే రాశిలో సంచరిస్తాడు. మేషరాశిలో బుధుడు సంచరించే కాలం మూడు రాశుల వారికి ఎక్కువగా కలిసి వస్తుంది.

మిథునం: మేషరాశిలో బుధుడు సంచరించడం మిథున రాశి వారికి శుభప్రదంగా ఉంటుంది. ఈ మార్పుతో వీరికి సమయం మారుతుంది. అదృష్టం మెండుగా ఉంటుంది. వ్యాపారులకు ఆదాయం పెరుగుతుంది. ఉద్యోగులకు కూడా డబ్బు విషయాల్లో పరిస్థితులు కలిసి వస్తాయి. ఉత్సాహంగా ఉంటారు. ధనం పొదుపు చేయడంపై దృష్టిసారిస్తారు. కుటుంబంలో ఆనందం ఉంటుంది.

సింహం: మేషరాశిలో బుధుడు ప్రవేశించడంతో సింహ రాశి వారికి అదృష్టం కలిసి వస్తుంది. ఈ కాలంలో వీరు చేసే పనుల్లో అధిక శాతం సఫలీకృతమవుతాయి. కొత్త వ్యక్తులతో పరిచయాలతో కొత్త విషయాలు తెలుసుకుంటారు. స్నేహితులతో సంతోషంగా ఉంటారు. కుటుంబ సభ్యుల నుంచి మద్దతుగా బాగా ఉంటుంది. సమాజంలో గౌరవం పెరుగుతుంది.

మకరం: మేషరాశిలో బుధుడు సంచరించే కాలం మకర రాశి వారికి మేలు జరుగుతుంది. ఈ కాలంలో వీరికి సంతోషంగా బాగుంటుంది. కుటుంబంలో ఏవైనా గొడవలు ఉంటే తగ్గుతాయి. వ్యాపారులకు కొత్త ఆదాయ మార్గాలు లభిస్తాయి. ఉద్యోగులకు పరిస్థితులు కలిసి వస్తాయి. కొత్త పనులు మొదలుపెట్టేందుకు సమయం అనుకూలిస్తుంది. (గమనిక: శాస్త్రాలు, విశ్వాసాల ఆధారంగా ఈ సమాచారం అందించాం. ఇవి అంచనాలు మాత్రమే. కచ్చితమైన ఆధారాలు ఉండవు. సందేహాల నివృత్తి, వ్యక్తిగత ప్రభావాల కోసం సంబంధిత నిపుణులను సంప్రదించవచ్చు.)