మూడు రోజులు ఆగండి.. ఈ ఆరు రాశుల వారికి పండగే

జ్యోతిష్యశాస్త్రంలో రాశిచక్రం మార్పు, ఏదైనా గ్రహం కదలిక మొత్తం 12 రాశులను ప్రభావితం చేస్తుంది. ఈ పరిస్థితి కొన్ని రాశులకు శుభప్రదంగా ఉంటుంది. మరికొన్ని రాశుల వాళ్లు సమస్యలు ఎదుర్కోవాల్సి వస్తుంది. ఇప్పుడు సెప్టెంబర్ 16న బుధుడు సింహరాశిలో సంచరించబోతున్నాడు. ఇక సెప్టెంబర్ 17న సూర్యుడు కన్యారాశిలోకి ప్రవేశించబోతున్నాడు.

సూర్యుడిని గ్రహాల రాజుగా పరిగణిస్తారు. సూర్యుడు ధైర్యం, ఆత్మ మొదలైన వాటికి కారకుడు. ఇక బుధుడిని గ్రహాల రాకుమారుడు అంటారు. వ్యాపారం, కమ్యూనికేషన్ మొదలైన వాటికి బుధుడు బాధ్యత వహిస్తాడు.

బుధుడు ప్రత్యక్షంగా మారడం, సూర్యుడు కన్యారాశిలోకి ప్రవేశించడం వల్ల కొన్ని రాశుల వారికి అదృష్టం కలిసి రావచ్చు. బుధుడు, సూర్యుడి ఆశీర్వాదంతో ఈ రాశుల వాళ్లు పురోగతి సాధించడంతో పాటు ఆకస్మిక ఆర్థిక లాభాలను పొందవచ్చు. ఆ రాశులేవో ఇప్పుడు చూద్దాం.

మేషరాశి - మేషరాశికి చెందిన వాళ్ల జీవితంలో ఆనందం వెల్లివిరుస్తుంది. కుటుంబంలోనూ ఆనందం, శాంతి ఉంటుంది. అయితే, జీవితం కాస్త బిజీగా ఉండవచ్చు. కొత్త ఆదాయ వనరులు ఏర్పడతాయి. జీవిత భాగస్వామి నుంచి పూర్తి మద్దతు మీకు ఉంటుంది.

కన్యారాశి- కన్యారాశిని ఏలే గ్రహం బుధుడు. బుధుడు ప్రత్యక్షంగా సంచరించడం వల్ల కన్యా రాశి వారికి పూర్తి ప్రయోజనాలు కలుగుతాయి. ఈ సమయంలో మీ పెండింగ్ పనులు పూర్తవుతాయి. మీ ఆర్థిక పరిస్థితి మెరుగుపడుతుంది. మొత్తం మీద ఈ సమయం మీకు ప్రయోజనకరంగా ఉంటుంది.

సింహం - సింహరాశిని ఏలేది సూర్య భగవానుడే. దీంతో సింహ రాశి వారికి సూర్య సంచారాన్ని చాలా ముఖ్యమైనదిగా భావిస్తారు. సింహ రాశి వారికి ఈ కాలం బాగా కలిసి వస్తుంది. పెండింగ్‌లో ఉన్న పనులు పూర్తి చేస్తారు. ధన ప్రవాహం పెరుగుతుంది.

వృశ్చికం - బుధుడు, సూర్యుని స్థానం వృశ్చికరాశి వారికి మంచి ఫలితాలను ఇస్తుంది. ఈ కాలంలో మీరు సంతోషకరమైన జీవితాన్ని గడుపుతారు. డబ్బు వచ్చే సూచనలు కనిపిస్తున్నాయి. ఆరోగ్యం బాగుంటుంది.

కర్కాటకం - బుధుడు, సూర్యుని స్థానాల్లో మార్పు కర్కాటక రాశి వారికి ప్రయోజనకరంగా ఉంటుంది. సానుకూల ఫలితాలు కనిపిస్తాయి. సంపద పోగు చేసుకోవడంలో విజయవంతమవుతారు. మనసు ఆనందంగా ఉంటుంది. మీ ఖర్చులను అదుపులో ఉంచుకోండి.

ధనుస్సు- బుధుడు, సూర్యుడు.. ధనుస్సు రాశి వ్యక్తుల జీవితాల్లో ముఖ్యమైన మార్పులు తీసుకురాగలవు. ఈ రాశికి చెందిన వ్యాపారులకు లాభాలు వచ్చే అవకాశం ఉంది. ఉద్యోగ పరిస్థితి బాగుంటుంది.