Tollywood: ఈ వారం థియేట‌ర్ల‌లో రిలీజ్ కానున్న సినిమాలు ఇవే - తండేల్‌కు పోటీ లేన‌ట్లే!

అజిత్ విదాముయార్చి మూవీ ప‌ట్టుద‌ల పేరుతో తెలుగులోకి డ‌బ్ అవుతోంది. ఫిబ్ర‌వ‌రి 6నరిలీజ్ అవుతోన్న ఈ మూవీని టాలీవుడ్‌ ఆడియెన్స్ పెద్ద‌గా ప‌ట్టించుకున్న‌ట్లుగా క‌నిపించ‌డం లేదు. అందుకు త‌గ్గ‌ట్లే మేక‌ర్స్ తెలుగులో ఎలాంటి ప్ర‌మోష‌న్స్ చేయ‌లేదు. ప‌ట్టుద‌ల మూవీలో త్రిష హీరోయిన్‌గా న‌టిస్తోంది. 

ల‌వ్ స్టోరీ త‌ర్వాత నాగ‌చైత‌న్య‌, సాయిప‌ల్ల‌వి జంట‌గా న‌టిస్తోన్న తండేల్ ఈ శుక్ర‌వారం రిలీజ్ అవుతోంది. ఓ జాల‌రి జీవితానికి ప్రేమ‌క‌థ‌, దేశ‌భ‌క్తి జోడించి ద‌ర్శ‌కుడు చందూ మొండేటి ఈ మూవీని తెర‌కెక్కిస్తోన్నారు. తండేల్ అడ్వాన్స్ బుకింగ్స్ బాగున్నాయి. నాగ‌చైత‌న్య కెరీర్‌లో ఫ‌స్ట్ డే హ‌య్యెస్ట్ ఓపెనింగ్స్‌ను ఈ మూవీ రాబ‌ట్టే అవ‌కాశం ఉన్న‌ట్లు చెబుతోన్నారు. 

లాంగ్ గ్యాప్ త‌ర్వాత ఒక ప‌థ‌కం ప్ర‌కారం మూవీతో తెలుగు ప్రేక్ష‌కుల ముందుకు రాబోతున్నాడు హీరో సాయిరాం శంక‌ర్‌. మ‌ర్డ‌ర్ మిస్ట‌రీ థ్రిల్ల‌ర్‌గా తెర‌కెక్కుతోన్న ఈ మూవీకి వినోద్ కుమార్ విజ‌య‌న్ ద‌ర్శ‌క‌త్వం వ‌హిస్తున్నాడు. స‌ముద్ర‌ఖ‌ని కీల‌క పాత్ర‌లో న‌టిస్తున్నాడు. 

ఈ మూడు సినిమాల‌తో పాటు భ‌వానీ వార్డ్ 1997 కూడా ఈ వార‌మే థియేట‌ర్ల‌లోకి వ‌స్తోంది. ఈ హార‌ర్ మూవీలో గాయ‌త్రి గుప్తా, పూజా కేంద్రే ప్ర‌ధాన పాత్ర‌లు పోషించారు.