Papikondalu Tour 2025 : ఈ సెలవుల్లో 'పాపికొండలు' చూసొద్దామా! తెలంగాణ టూరిజం ప్యాకేజీ వచ్చేసింది, పూర్తి వివరాలివే

సంక్రాంతి సెలవులు వచ్చాయి. అయితే ఈ హాల్ డేస్ లో ప్రకృతి అందాలకు కేరాఫ్ అయిన పాపికొండలు చూసేందుకు తెలంగాణ టూరిజం అద్భుతమైన టూర్ ప్యాకేజీని ప్రకటించింది. ఈ ఏడాదిలో పాపికొండలు ట్రిప్ ఆపరేట్ చేయటం కూడా ఇదే తొలిసారి.

పాపికొండల చూసేందుకు తెలంగాణ టూరిజం “PAPIKONDALU ROAD CUM RIVER CRUISE PACKAGE TOUR ” పేరుతో ఓ ప్యాకేజీని ఆపరేట్ చేస్తోంది. హైదరాబాద్ నుంచి బస్సులో తీసుకెళ్తారు. ప్రస్తుతం ఈ జర్నీ జనవరి 17, 2025వ తేదీన అందుబాటులో ఉంది. ఈ తేదీ మిస్ అయితే మరో తేదీలో వెళ్లొచ్చు. ఈ వివరాలను తెలంగాణ టూరిజం వెబ్ సైట్ లో చెక్ చేసుకోవచ్చు. 

హైదరాబాద్ నుంచి ఆపరేట్ చేసే ఈ ప్యాకేజీ ప్రతి శుక్రవారం ఈ ప్యాకేజీ అందుబాటులో ఉంటుంది. మొత్తం 3 రోజులు ఉంటుంది. వీకెండ్స్ లో  ఎలాంటి ఇబ్బందులు లేకుండా ఈ ట్రిప్ పూర్తి చేసుకోవచ్చు.

టూర్ షెడ్యూల్ వివరాలు చూస్తే… ఫస్ట్ డే రాత్రి 07.30 గంటలకు హైదరాబాద్ లోని పర్యాటక భవన్ నుంచి బస్సు బయల్దేరుతుంది. రాత్రి 8 గంటలక బషీర్ బాగ్ వద్దకు వస్తుంది. రాత్రి భద్రాచలం వెళ్తారు. మార్గ మధ్యలో భోజనం ఉంటుంది.

రెండో రోజు ఉదయం 6 గంటలకు భద్రాచలంలోని హారిత హోటల్ కు చేరుకుంటారు. 8 గంటలకు పోచారం బోటింగ్ పాయింట్ కు చేరుకొని.. పాపికొండలతో పాటు పెరంటాలపల్లికి వెళ్తారు. పొచారానికి బోట్ లో జర్నీ ఉంటుంది. లంచ్ తో పాటు స్నాక్స్ ఇస్తారు. రాత్రి భద్రాచలంలోని హారిత హోటల్ లో బస చేస్తారు.

మూడో రోజు టిఫిన్ చేసిన తర్వాత  పర్ణశాలకు వెళ్తారు. మధ్యాహ్నం భోజనం చేసిన తర్వాత… హైదరాబాద్ కు బయల్దేరుతారు. రాత్రి 10గంటలకు హైదరాబాద్ కు చేరుకుంటారు. దీంతో ఈ టూర్ ప్యాకేజీ ముగుస్తుంది. 

హైదరాబాద్ - పాపికొండలు టూర్ ప్యాకేజీ ధరలు : పెద్దలకు రూ. 6999గా ఉంటే… పిల్లలకు రూ. 5599గా నిర్ణయించారు. . నాన్ ఏసీ బస్సులో జర్నీ ఉంటుంది. బోట్ లో భోజనం ఇస్తారు. ఏమైనా సందేహాలు  info@tstdc.in మెయిల్ ద్వారా కూడా సంప్రదించవచ్చు.

హైదరాబాద్ - పాపికొండలు టూర్ ప్యాకేజీ బుకింగ్ లింక్ : https://tourism.telangana.gov.in/package/papikondalutour