Arunachalam Tour : 4 రోజుల 'అరుణాచలం' ట్రిప్ - గిరి ప్రదక్షిణతో పాటు ఈ ఆలయాలన్నీ చూడొచ్చు, తాజా టూర్ ప్యాకేజీ ఇదే

తెలంగాణ టూరిజం సరికొత్త టూర్ ప్యాకేజీ తీసుకొచ్చింది. హైదరాబాద్ నుంచి రోడ్డు మార్గం ద్వారా అరుణాచలం తీసుకెళ్తోంది. 4 రోజుల పాటు ఈ పర్యటన సాగుతోంది.

హైదరాబాద్ నుంచి అరుణాచలం వెళ్లే టూర్ ప్యాకేజీ  ప్రస్తుతం జూన్ 19, 2024వ తేదీన అందుబాటులో ఉంది. ఈ తేదీ మిస్ అయితే… మరో నెలలో వెళ్లొచ్చు. ఈ తేదీలను త్వరలోనే తెలంగాణ టూరిజం ప్రకటిస్తుంది.

తొలిరోజు  హైదరాబాద్ నుంచి సాయంత్రం  6:30 గంటలకు బషీర్ బాగ్ నుంచి బయల్దేరుతారు.మరునాడు ఉదయం కాణిపాకం చేరుకుంటారు. 9 గంటల లోపు దర్శనం పూర్తి అవుతుంది. ఆ తర్వాత Thiruvanamalaiకి బయల్దేరుతారు. మధ్యాహ్నం 3 గంటలకు అరుణాచలం చేరుకుంటారు. దర్శనం పూర్తి చేసుకుంటారు. రాత్రికి అరుణాచలంలోనే ఉంటారు.

ఇక 3వ రోజు రోజు అల్బాహారం  తర్వాత…వేలూరుకు వెళ్తారు. Sripuram Golden Temple Darshan ఉంటుంది. సాయంత్రం 4 తర్వాత హైదరాబాద్ బయల్దేరుతారు. నాలుగో రోజు ఉదయం 5 గంటలకు హైదరాబాద్ కు చేరుకోవటంతో ఈ టూర్ ప్యాకేేజీ ముగుస్తుంది.

ఈ ప్యాకేజీ ధరలు చూస్తే… పెద్దలకు రూ. 7500, పిల్లలకు రూ. 6వేల టికెట్ ధరగా నిర్ణయించారు.  ఏమైనా సందేహాలు ఉంటే 9848540371 ఫోన్ నెంబర్ ను సంప్రదించవచ్చు. info@tstdc.in మెయిల్ ద్వారా సంప్రదించవచ్చు.

https://tourism.telangana.gov.in/p వెబ్ సైట్ లోకి వెళ్లి ఈ టూర్ ప్యాకేజీకి సంబంధించిన పూర్తి వివరాలను తెలుసుకోవచ్చు. బుకింగ్ కూడా చేసుకునే వీలు ఉంటుంది.

ప్రతీ నెల పౌర్ణమి రోజున గిరి ప్రదక్షిణ కోసం చాలా మంది భక్తులు అరుణాచలం(Arunachalam Tour) వెళ్తుంటారు. ఇక తెలుగు రాష్ట్రాల నుంచి వెళ్లే భక్తుల సంఖ్య ఎక్కువగానే ఉంటుంది. భక్తుల రాకపోకలు ఎక్కువగా ఉండటంతో తెలంగాణ టూరిజం ఈ ప్రత్యేక ప్యాకేజీని అందుబాటులోకి తీసుకొచ్చింది.