TG ECET Schedule 2025 : టీజీ ఈసెట్‌ షెడ్యూల్‌ విడుదల - మార్చి 3 నుంచి అప్లికేషన్లు, ముఖ్య వివరాలివే

తెలంగాణలో ప్రవేశాల ప్రక్రియ వేగంగా నడుస్తోంది. కొద్ది నెలల కిందటే కన్వీనర్లను నియమించిన తెలంగాణ ఉన్నత విద్యా మండలి… తాజాగా ఒక్కో పరీక్షకు సంబంధించిన షెడ్యూల్ ను ప్రకటిస్తోంది. 

తాజాగా తెలంగాణ ఈసెట్ ప్రవేశ పరీక్షల షెడ్యూల్ ను ప్రకటించింది. ఇందులో భాగంగా డిప్లొమా హోల్డర్లు…. బీఎస్సీ (గణితం), బీటెక్, బీఈ, బీఫార్మసీ కోర్సుల్లో రెండో సంవత్సరంలో ప్రవేశాలను కల్పిస్తారు.

ఈ ఏడాది కూడా ఈసెట్ ను ఉస్మానియా విశ్వవిద్యాలయం నిర్వహించనుంది, ఇందుకు సంబంధించిన నోటిఫికేషన్ ను ఫిబ్రవరి 25వ తేదీన ప్రకటిస్తారు. 

ఈసెట్‌ పరీక్ష కోసం ఆన్ లైన్ లో దరఖాస్తు చేసుకోవాలి. ఈ ప్రక్రియ మార్చి 3వ తేదీ నుంచి ప్రారంభమవుతుంది. ఏప్రిల్ 19వ తేదీతో ముగుస్తుంది.

 మే12వ తేదీన టీజీ ఈసెట్ పరీక్ష ఉంటుందని కన్వీనర్‌ ఆచార్య పి.చంద్రశేఖర్‌ వివరించారు. నోటిఫికేషన్ లో పరీక్షా విధానం, ఫీజు చెల్లింపు ప్రక్రియ, హాల్ టికెెట్లు డౌన్లోడ్, ఫలితాలను ప్రకటనతో పాటు మరిన్ని వివరాలను వెల్లడిస్తారు. 

అభ్యర్థులు మరిన్ని వివరాల కోసం అధికారిక వెబ్‌సైట్‌  ను సందర్శించవచ్చు.