CM Revanth Reddy : పెట్టుబడులే లక్ష్యంగా సీఎం రేవంత్‌ రెడ్డి అమెరికా పర్యటన, న్యూయార్క్ ఎయిర్ పోర్ట్ లో ఘన స్వాగతం

తెలంగాణ ఆర్థికాభివృద్ధికి, ఉద్యోగ ఉపాధి కల్పనకు పెట్టుబడులు, వ్యూహత్మక భాగస్వామ్యాలు చేసుకోవడమే లక్ష్యంగా సీఎం రేవంత్ రెడ్డి అమెరికా పర్యటనకు వెళ్లారు.  

సీఎం రేవంత్ రెడ్డి ఆదివారం అమెరికా చేరుకున్నారు. న్యూయార్క్ ఎయిర్ పోర్టులో సీఎం బృందానికి ఘన స్వాగతం లభించింది. అమెరికాతోపాటు దక్షిణ కొరియాలో సీఎం రేవంత్ రెడ్డి పర్యటించనున్నారు. 

 న్యూయార్క్ నగరం నుంచే పెట్టుబడుల సాధన కోసం సీఎం రేవంత్ రెడ్డి పర్యటన ప్రారంభం కానుంది.  

సీఎం రేవంత్ రెడ్డికి ప్రవాస భారతీయులు స్వాగతం పలికారు. మనందరినీ ఏకం చేసే ఒక కల.. తెలంగాణను మరింత గొప్పగా అభివృద్ధి చేసుకోవడం అని సీఎం వారితో అన్నారు. 

న్యూయార్క్‌ నగరం నుంచి మొదలైన సీఎం రేవంత్ రెడ్డి పర్యటన రాబోయే 10 రోజులపాటు అమెరికా, దక్షిణ కొరియాలోని వివిధ నగరాల్లోని ప్రభుత్వ, ప్రైవేటు వ్యాపార ప్రముఖులతో సమావేశాలు, చర్చలు జరుగనున్నాయి.

సీఎం రేవంత్ రెడ్డి నాయకత్వంలోని బృందంలో పరిశ్రమలు ఐటీ శాఖ మంత్రి శ్రీధర్ బాబు, పలువురు ఉన్నతాధికారులు ఉన్నారు.