AP Inter Exam Results 2025 : మొత్తం 4 విడతలు...! ఏపీలో 'ఇంటర్' స్పాట్ వాల్యుయేషన్ షురూ

ఏపీలో మార్చి 1 నుంచి ఇంటర్ పరీక్షలు ప్రారంభమయ్యాయి. మార్చి 20వ తేదీతో ముగియనున్నాయి. ప‌రీక్ష‌ల‌కు రాష్ట్రవ్యాప్తంగా 1,535 కేంద్రాల‌ను ఏర్పాటు చేయగా…

ఈ విద్యా సంవ‌త్స‌రంలో 10 లక్షల మందికిపైగా విద్యార్థులు ప‌రీక్ష‌లకు హాజ‌రయ్యారు.

ఓవైపు పరీక్షలు జరుగుతుండగానే…. మరోవైపు ఏపీ ఇంటర్ బోర్డు కీలక అప్డేట్ ఇచ్చింది. జవాబు పత్రాల మూల్యాంకనం కోసం షెడ్యూల్ ను ప్రకటించింది. ఇంటర్ బోర్డు వివరాల ప్రకారం… మార్చి 17వ తేదీ నుంచి ఈ ప్రక్రియను ప్రారంభించింది. 

మొత్తం 4 విడతల్లో ఏపీ ఇంటర్ స్పాట్ ను పూర్తి చేయనున్నారు.   మార్చి 17 నుంచి ఫస్ట్ స్పెల్ ప్రారంభం కాగా… ముందుగా తెలుగు, హిందీ, ఇంగ్లీషు, మాథ్స్‌, పౌరశాస్త్రం పేపర్లను మూల్యాంకనం చేస్తున్నారు. 

ఇక రెండో స్పెల్‌ మార్చి 22 నుంచి మొదలవుతుంది. ఇందులో ఫిజిక్స్‌, ఎకనామిక్స్‌ పేపర్ల మూల్యాంకనం షురూ అవుతుంది. ఇక మూడో విడత స్పెల్‌ మార్చి 24 నుంచి ఉంటుంది. ఇందులో కెమిస్ట్రీ, హిస్టరీ పేపర్ల జవాబు పత్రాలను మూల్యాంకనం చేస్తారు.

ఇక మార్చి 26వ తేదీ నుంచి నాల్గో స్పెల్ ప్రారంభిస్తారు. ఇందులో బోటనీ, జువాలజీ, కామర్స్ తో పాటు బ్రిడ్జ్ కోర్సు పత్రాలను మూల్యాంకనం చేస్తారు.

ఇంటర్ స్పాట్ దృష్ట్యా తగినంత సిబ్బందిని అధికారులు ఏర్పాటు చేశారు. స్పెల్ కు అనుగుణంగా… విధులు నిర్వర్తించాల్సి ఉంటుంది. స్పాట్ కేంద్రాల్లో సెల్‌ఫోన్లను అనుమతి ఉండదని ఇంటర్ బోర్డు అధికారులు స్పష్టం చేశారు.

పూర్తిస్థాయిలో క్షుణ్ణంగా జవాబు పత్రాలను పరిశీలించిన తర్వాతే... మార్కులను ఎంట్రీ చేస్తారు. వాల్యూయేషన్ ప్రక్రియను మానిటరింగ్ చేసేందుకు ప్రత్యేక అధికారులు కూడా ఉంటారు. విద్యాశాఖ నుంచి గ్రీన్ సిగ్నల్ వచ్చిన తర్వాతే… తుది ఫలితాలను వెల్లడిస్తారు.