Southwest Monsoon Updates : ఐఎండీ చల్లని కబురు... రేపోమాపో సీమలోకి 'నైరుతి’ - ఏపీ, తెలంగాణలో భారీ వర్షాలు

నైరుతి రుతుపవనాలు వేగంగా కదులుతున్నాయి. ఇప్పటికే కేరళ, కర్ణాటక, తమిళనాడులోని అనేక ప్రాంతాల్లో  ముందుకు సాగుతున్నాయి. అయితే ఆంధ్రప్రదేశ్ లోకి ఎంట్రీపై వాతావరణశాఖ కీలక ప్రకటన చేసింది.

ఇవాళ(జూన్ 2) అల్లూరి సీతారామరాజు, కర్నూలు, నంద్యాల, అనంతపురం, శ్రీ సత్యసాయి, వైఎస్ఆర్, అన్నమయ్య, చిత్తూరు,తిరుపతి జిల్లాల్లో అక్కడక్కడ భారీ వర్షాలు కురిసే అవకాశం ఉందని తెలిపింది. 

శ్రీకాకుళం, విజయనగరం,మన్యం,విశాఖపట్నం, అనకాపల్లి,కాకినాడ,కోనసీమ, ఉభయగోదావరి, ఏలూరు, కృష్ణా, ఎన్టీఆర్,గుంటూరు, బాపట్ల, పల్నాడు, ప్రకాశం, నెల్లూరు జిల్లాల్లో అక్కడక్కడ తేలికపాటి నుంచి మోస్తరు వర్షాలు కురిసే అవకాశం ఉందని పేర్కొంది. 

మరోవైపు తెలంగాణలో ఇవాళ భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం పేర్కొంది. ఈ మేరకు పలు జిల్లాలకు ఎల్లో హెచ్చరికలను జారీ చేసింది.

జూన్ 2 - 3 ఉదయం వరకు ఖమ్మం, నల్గొండ, సూర్యాపేట, రంగారెడ్డి, మహబూబ్ నగర్, వికారాబాద్, సంగారెడ్డి, మహబూబ్ నగర్, నాగర్ కర్నూల్, వనపర్తి, నారాయణపేట, గద్వాల జిల్లాల్లో అక్కడకక్కడ భారీ వర్షాలు కురిసే అవకాశం ఉందని తెలిపింది. 40 -50కి.మీ వేగంతో ఈదురుగాలులు వీచే అవకాశం ఉందని తెలిపింది. జూన్ 7వ తేదీ వరకు తెలంగాణలో వర్షాలు కురిసే అవకాశం ఉందని హైదరాబాద్ వాతారవణ కేంద్రం పేర్కొంది.