వేసవి రద్దీ దృష్ట్యా దక్షిణ మధ్య రైల్వే 16 ప్రత్యేక రైళ్లు, ఈ మార్గాల్లో సర్వీసులు పొడిగింపు

వేసవి రద్దీ దృష్ట్యా దక్షిణ మధ్య రైల్వే పలు రైలు సర్వీసులు పొడిగించింది. విశాఖ- తిరుపతి, భువనేశ్వర్‌- యశ్వంత్‌పూర్‌ మధ్య నడుస్తున్న రైలు సర్వీసులను పొడిగిస్తున్నట్లు దక్షిణ మధ్య రైల్వే ఓ ప్రకటనలో తెలిపింది.

విశాఖ-తిరుపతి ( రైలు నం.08583) సర్వీస్ ప్రతి సోమవారం నడుస్తుంది. దీనిని మే 5 నుంచి జూన్‌ 30 వరకు పొడిగించారు. తిరుగు ప్రయాణంలో (రైలు నం. 08584) మంగళవారం అందుబాటులో ఉంటుంది. జులై 1 వరకు ఈ సర్వీస్ గడువు పొడిగించారు. ఇది మొత్తం 18 ట్రిప్పులు నడపనున్నారు.

విశాఖ-తిరుపతి రైలు దువ్వాడ, అనకాపల్లి, అన్నవరం, సామర్లకోట, రాజమండ్రి, తాడేపల్లిగూడెం, ఏలూరు, విజయవాడ, తెనాలి, చీరాల, ఒంగోలు, నెల్లూరు, గూడూరు, శ్రీకాళహస్తి, రేణిగుంట స్టేషన్లలో ఆగుతుంది.

భువనేశ్వర్‌-యశ్వంత్‌పూర్‌ (రైలు నం. 02811) రైలు మే 24 నుంచి జూన్‌ 28 వరకు ప్రతి శనివారం నడపనున్నారు. ఈ రైలు తిరుగు ప్రయాణం (02812) ప్రతి సోమవారం జూన్‌ 30 వరకు అందుబాటులో ఉంటుంది. ఈ రైలు మొత్తం 12 ట్రిప్పులు తిరుగుతుంది.

భువనేశ్వర్-యశ్వంత్ పూర్ రైలు ఖుర్దా రోడ్డు, బ్రహ్మపుర, పలాస, శ్రీకాకుళం రోడ్డు, విజయనగరం, కొత్తవలస, దువ్వాడ, సామర్లకోట, రాజమండ్రి, విజయవాడ, గుంటూరు, నరసరావుపేట, మార్కాపురం రోడ్డు, గిద్దలూరు, నంద్యాల, డోన్‌, ధర్మవరం, ఎస్‌ఎస్‌ఎస్‌పీ నిలయం, హిందూపురం స్టేషన్లలో ఆపుతారు.

వేసవి రద్దీని దృష్ట్యా మే, జూన్ నెలల్లో హైదరాబాద్ నుంచి పలు మార్గాల్లో 16 ప్రత్యేక రైళ్లను నడుపుతున్నట్లు దక్షిణ మధ్య రైల్వే ప్రకటించింది. మే నెల 7 నుంచి 28 వరకు ప్రతి బుధవారం సికింద్రాబాద్ నుంచి రామేశ్వరం (రైలు నం.07695), ప్రతి శుక్రవారం రామేశ్వరం నుంచి సికింక్రాబాద్ కు (రైలు నం.07696) ప్రత్యేక రైళ్లు నడు యని రైల్వే అధికారులు తెలిపారు.

మే 12 నుంచి జూన్ 2 వరకు ప్రతి సోమవారం కాచిగూడ నుంచి మధురై (రైలు నం.07191)కు, మే 14 నుంచి జూన్ 4 వరకు ప్రతి బుధవారం రామేశ్వరం నుంచి కాచిగూడకు (రైలు నం.07192) ప్రత్యేకరైళ్లు నడుస్తాయని దక్షిణ మధ్య రైల్వే ప్రకటించింది.