Shubman Gill: గుజరాత్ టైటాన్స్ కొత్త కెప్టెన్‍గా శుభ్‍మన్ గిల్: వివరాలివే

వచ్చే ఏడాది ఐపీఎల్ 2024 సీజన్‍లో గుజరాత్ టైటాన్స్ (GT) జట్టుకు టీమిండియా యువ స్టార్ బ్యాటర్ శుభ్‍మన్ గిల్ కెప్టెన్సీ చేయనున్నాడు. ఈ విషయాన్ని జీటీ ఫ్రాంచైజీ అధికారికంగా ప్రకటించింది. 

2022, 2023 సీజన్లలో గుజరాత్ టైటాన్స్ టీమ్‍కు కెప్టెన్‍గా వ్యవహరించిన హార్దిక్ పాండ్యా.. ట్రేడ్ ద్వారా మళ్లీ ముంబై ఇండియన్స్ టీమ్‍కు వెళ్లాడు. దీంతో వచ్చే 2024 సీజన్‍కు గిల్‍ను కెప్టెన్‍గా నియమించింది గుజరాత్. 

2018లో కోల్‍కతా నైట్ రైడర్స్ జట్టుతో ఐపీఎల్‍లో శుభ్‍మన్ గిల్ అరంగేట్రం చేశాడు. 2022 సీజన్ కోసం జరిగిన వేలంలో గుజరాత్ టైటాన్స్ అతడిని రూ.7కోట్లకు సొంతం చేసుకుంది. 

ఐపీఎల్ 2022 సీజన్‍లో గుజరాత్ తరఫున బరిలోకి దిగిన శుభ్‍మన్ గిల్ 483 పరుగులు చేశాడు. ఫైనల్‍లో అజేయంగా 45 రన్స్ చేశాడు. గుజరాత్ టైటిల్ సాధించడంలో కీలకపాత్ర పోషించాడు. ఈ ఏడాది 2023 ఐపీఎల్‍లో గిల్ విశ్వరూపం చూపాడు. 17 ఇన్నింగ్స్ ల్లో ఏకంగా 890 రన్స్ చేశాడు. ఈ సీజన్‍లో గుజరాత్ ఫైనల్ వరకు చేరింది. తుదిపోరు చెన్నై చేతిలో ఓడి రన్నరప్‍గా నిలిచింది.

2022 ఐపీఎల్‍లో హార్దిక్ సారథ్యంలో టైటిల్ సాధించిన గుజరాత్.. ఈ ఏడాది ఫైనల్ చేరింది. అయితే, ఇప్పుడు తన పాత టీమ్ ముంబైకి హార్దిక్ వెళ్లాడు. దీంతో హార్దిక్‍కు వీడ్కోలు చెబుతూ సోషల్ మీడియాలో పోస్ట్ చేసింది గుజరాత్. శుభ్‍మన్ గిల్‍ను కెప్టెన్ చేసింది. 

గుజరాత్ టైటాన్స్ కెప్టెన్సీ దక్కింనందుకు సంతోషంగా ఉందని గిల్ అన్నాడు. మంచి టీమ్‍కు సారథ్యం వహించే అవకాశం ఇచ్చినందుకు జీటీ ఫ్రాంచైజీకి ధన్యవాదాలు తెలిపాడు.