ఈ ఐపీఎల్ టీమ్స్ కు షాక్.. ఆసీస్ క్రికెటర్లు వచ్చేనా? భారత్ కు రావడం డౌట్! దూరమయ్యే కీలక ఆటగాళ్లపై లుక్కేయండి
భారత్, పాకిస్థాన్ యుద్ధ ఉద్రిక్తతల కారణంగా వారం రోజుల పాటు సస్పెండ్ అయిన లీగ్ తిరిగి స్టార్ట్ కాబోతోంది. మే 17న సీజన్ పున:ప్రారంభమవుతుంది. అయితే తిరిగి భారత్ కు రావడానికి ఆలోచిస్తున్న ఆస్ట్రేలియా ఆటగాళ్లు ఫ్రాంఛైజీలకు షాక్ ఇవ్వబోతున్నారని తెలిసింది. దూరమయ్యే కీలక ఆటగాళ్లెవరో ఓ లుక్కేయండి.
(1 / 5)
ఆస్ట్రేలియా పేసర్ హేజిల్ వుడ్ తిరిగి ఐపీఎల్ 2025 సీజన్ కు రాకపోతే ఆర్సీబీకి గట్టి ఎదురు దెబ్బ తగిలే అవకాశముంది. ఎందుకంటే ఈ సీజన్ లో హేజిల్ వుడ్ గొప్పగా రాణిస్తున్నాడు. 10 ఇన్నింగ్స్ ల్లో 18 వికెట్లు పడగొట్టాడు. అయితే ఇంజూరీ కారణంగా హేజిల్ వుడ్ మిగతా సీజన్ లో ఆడటం అనుమానమే.
(AP)
(2 / 5)
ఆస్ట్రేలియా స్టార్ ఫాస్ట్ బౌలర్ మిచెల్ స్టార్క్ కూడా ఐపీఎల్ 2025లో అదరగొడుతున్నాడు. 11 ఇన్నింగ్స్ ల్లో 14 వికెట్లు సాధించాడు. ఢిల్లీ క్యాపిటల్స్ ప్లేఆఫ్స్ దిశగా సాగాలంటే స్టార్క్ కీలకం.
(REUTERS)
(3 / 5)
ఐపీఎల్ 2025లో ఇప్పటికే సన్ రైజర్స్ హైదరాబాద్ ప్లేఆఫ్స్ రేసు నుంచి నిష్క్రమించింది. ఆ టీమ్ ఇంకా మూడు మ్యాచ్ లు ఆడాల్సి ఉంది. ఈ పరిస్థితుల్లో ఆ టీమ్ కెప్టెన్ కమిన్స్ తిరిగి వస్తాడనే వార్తలు వస్తున్నా. దీనిపై క్లారిటీ లేదు. మరోవైపు కమిన్స్ రాకపోవచ్చనే అభిప్రాయాలూ వ్యక్తమవుతున్నాయి.
(AFP)
(4 / 5)
సన్ రైజర్స్ హైదరాబాద్ విధ్వంసక ఓపెనర్ ట్రావిస్ హెడ్ కూడా మిగిలిన ఐపీఎల్ సీజన్ లో ఆడటం డౌటే. ఈ సన్ రైజర్స్ హైదరాబాద్ ఆటగాడు ఈ సీజన్లో ఫెయిలవుతున్నాడు. 11 మ్యాచ్ ల్లో 281 పరుగులు మాత్రమే చేశాడు.
(PTI)
(5 / 5)
ఐపీఎల్ 2025లో జోరుమీదున్న పంజాబ్ కింగ్స్ కు వికెట్ కీపర్ ఇంగ్లిస్ సేవలు అవసరం. మరి ఈ ఆటగాడు ఐపీఎల్ కు తిరిగొస్తాడో లేదో చూడాలి.
(REUTERS)
ఇతర గ్యాలరీలు