Vijayashanthi Top-5 Movies OTT List: అర్జున్ సన్నాఫ్ వైజయంతిలో విజయశాంతి యాక్షన్.. ఆమె టాప్-5 మూవీస్ ఓటీటీ లిస్ట్ ఇదే

లేడీ సూపర్ స్టార్ గా పేరు తెచ్చుకున్న విజయశాంతి అంటే పవర్ ఫుల్ పోలీస్ పాత్రలకు పెట్టింది పేరు. 1990లో వచ్చిన కర్తవ్యం మూవీలో వైజయంతిగా ఆమె పోలీస్ క్యారెక్టర్ ఐకానిక్ గా నిలిచిపోయింది. ఈ మూవీలో యాక్టింగ్ కు ఆమెకు నేషనల్ అవార్డు కూడా వచ్చింది. ఈ మూవీ అమెజాన్ ప్రైమ్ వీడియోలో చూడొచ్చు.

స్వ‌యం కృషి సినిమాతో మెగాస్టార్ చిరంజీవికి ఎంత పేరు వచ్చిందో.. విజయశాంతి కూడా అంతే పాపులారిటీ సంపాదించుకున్నారు. గంగగా ఆమె చేసిన అల్లరి, ఆ యాక్టింగ్ ఫ్యాన్స్ ను కట్టిపడేసింది. ఈ మూవీని ప్రైమ్ వీడియో, సన్ నెక్ట్స్ ఓటీటీల్లో చూడొచ్చు.

ఓసేయ్ రాములమ్మ సినిమా నటిగా విజయశాంతిని మరో మెట్టు ఎక్కించింది. ఈ మూవీలో దొరల అరాచకాలకు వ్యతిరేకంగా బాధిత మహిళగా, అడవిలో అక్కగా విజయశాంతి అదరగొట్టారు. ఈ మూవీ సన్ నెక్ట్స్ ఓటీటీలో అందుబాటులో ఉంది.

అవినీతి రాజకీయ నాయకులపై, సమాజ వ్యవస్థపై, రౌడీల దౌర్జన్యాలపై పోరాడిన మహిళగా ప్రతిఘటన మూవీలో విజయశాంతి నటన ఎప్పటికీ గుర్తుండిపోతోంది. ఈ మూవీ ఈటీవీ విన్, ప్రైమ్ వీడియోలో ఉంది.

సీఎం మర్డర్ కేసును ఇన్వెస్టిగేట్ చేసే విజయ అనే పోలీస్ ఆఫీసర్ పాత్రలో విజయశాంతి మరోసారి నటనతో దుమ్ములేపారు. పోలీస్ లాకప్ లో మూవీలో పవర్ ఫుల్ పోలీస్ ఆఫీసర్ పాత్రలో కనిపించారు. ఈ మూవీని ప్రైమ్ వీడియో ఓటీటీలో చూడొచ్చు.