Self neglect: సెల్ఫ్ నెగ్లెక్ట్ లేదా స్వీయ నిర్లక్ష్యం.. అంటే ఏంటి? ఇది అంత ప్రమాదకరమా?

మనకు, మన భావోద్వేగాలకు ప్రాధాన్యమివ్వనప్పుడు మనల్ని మనం నిర్లక్ష్యం చేసుకుంటాం. ‘మీ భావోద్వేగాలను విస్మరిస్తున్నారా? భావోద్వేగ అవసరాలకు ప్రాధాన్యత లేదని చిన్నతనం నుంచే మనకు నేర్పిస్తారు. అది తప్పు. భావోద్వేగాలను అణచివేయడం కూడా మంచిది కాదు అని మనస్తత్వవేత్త కరోలిన్ రూబెన్స్టీన్ స్వీయ-నిర్లక్ష్య సంకేతాలను వివరిస్తూ రాశారు.

విచారం, కోపం, నిరాశ వంటి క్లిష్టమైన భావోద్వేగభరిత సమస్యలను పరిష్కరించడానికి బదులుగా, వాటిని అణచివేయడానికి, లేదా విస్మరించడానికి ప్రయత్నిస్తాము.

సన్నిహిత మానవ సంబంధాలకు లేదా లోతైన సంభాషణలకు దూరంగా ఉండడానికి ప్రయత్నిస్తాం. మన భావోద్వేగ సమస్యలను ఇతరులతో చర్చించడానికి ఇష్టపడము. 

మనకి మనం ప్రాధాన్యత ఇచ్చుకోవడానికి బదులుగా, మన భావోద్వేగాలను ప్రకటించడానికి బదులుగా.. ఇతరుల అవసరాలు, భావాలకు ప్రాధాన్యత ఇస్తాము. వాటిపైనే ఎక్కువ దృష్టి పెడతాము. 

మన సంతోషం మీద మనం దృష్టి పెట్టం. మనకు ఆనందాన్ని, విశ్రాంతిని, సంతృప్తిని కలిగించే విషయాలను పట్టించుకోం. అవి అనవసరమైనవిగా భావిస్తాం. వాటిని తిరస్కరిస్తాం.

కఠినమైన అంతర్గత విమర్శను కలిగి ఉంటాం. మన తప్పులను ఎక్కువగా పరిశీలిస్తూ, ఇతరుల తప్పులను పట్టించుకోకుండా ఉంటాం. తప్పు జరిగిన ప్రతిదానికీ నిందలు, అవమానాలను కూడా మనం బాధ్యత తీసుకుంటాం. స్వీయ దండన చేసుకుంటాం.