ఆ హీరోయిన్ కోసం ఈ ఇద్దరు హీరోల కొట్లాట.. ఈ హీరో లవర్‌తో ఆ హీరోకు ఎఫైర్.. మాజీ క్రికెటర్ భార్య ఆమె

బాలీవుడ్ 90వ దశకం ప్రారంభంలో జాకీ ష్రాఫ్ పెద్ద స్టార్ గా ఉండగా, సల్మాన్ ఖాన్ స్టార్ గా మారుతున్నాడు. ఈ సమయంలో సల్మాన్, నటి సంగీతా బిజ్లానీ ఎఫైర్ గురించి కూడా వార్తలు వచ్చాయి.

సల్మాన్, సంగీత ఏళ్ల తరబడి డేటింగ్ చేశారు. పెళ్లి ఏర్పాట్లు కూడా పూర్తయ్యాయి. కానీ అకస్మాత్తుగా వీళ్లు విడిపోయారు.

సంగీతతో సల్మాన్ డేటింగ్ చేస్తున్న సమయంలోనే అతనిని ఓ వార్త షాక్ కు గురి చేసింది. సల్మాన్ గర్ల్ ఫ్రెండ్ తన స్నేహితుడు, నటుడు అయిన జాకీ ష్రాఫ్ తో ఎఫైర్ ఉన్నట్లు అతనికి తెలిసింది.

ఇజ్జత్ సినిమా షూటింగ్ సమయంలో జాకీ, సంగీత్ ఒకరినొకరు ప్రేమించుకున్నట్లు వార్తలు వచ్చాయి. ఈ వార్తతో సల్మాన్ ఖాన్ బాధపడ్డాడు. జాకీకి దూరంగా ఉన్నాడు.

ఐఎండీబీ ప్రకారం కాస్ట్యూమ్ డిజైనర్ అన్నా సింగ్.. జాకీ, సంగీత ఎఫైర్ గురించి సల్మాన్ కు సమాచారం ఇచ్చారు. ఈ వార్త ఇద్దరు నటుల మధ్య చాలా దూరాన్ని సృష్టించింది, సల్మాన్ ఏళ్ల తరబడి నటుడితో ఏ సినిమా చేయలేదు.

అయితే సంగీత-జాకీ గురించి వ్యాపించిన వార్తలు అబద్ధమని తేలడంతో ఇద్దరి మధ్య సంబంధాలు మళ్లీ బాగుపడ్డాయి. జాకీతో బంధన్ అనే సినిమా కూడా సల్మాన్ చేశాడు.

1998లో వచ్చిన బంధన్ సినిమాలో జాకీ.. సల్మాన్ ఖాన్ బావమరిది పాత్రలో నటించాడు. ఈ సినిమా సక్సెస్ అయింది. ఇక సంగీతా బిజ్లానీ ఆ తర్వాత సల్మాన్ తోనూ విడిపోయి టీమిండియా మాజీ కెప్టెన్ మహ్మద్ అజారుద్దీన్ ను పెళ్లి చేసుకున్న విషయం తెలిసిందే. 1996లో వీళ్లు పెళ్లి చేసుకోగా.. 2010లో విడిపోయారు.