క్రికెటర్ రింకు సింగ్ నిశ్చితార్థం.. సమాజ్‌వాదీ పార్టీ ఎంపీని పెళ్లి చేసుకోబోతున్న టీమిండియా స్టార్
క్రికెటర్ రింకూ సింగ్ నిశ్చితార్థం సమాజ్ వాదీ పార్టీ ఎంపీ ప్రియా సరోజ్ తో జరిగింది. అసలు వీళ్లిద్దరూ ఎలా ప్రేమలో పడ్డారు? వీళ్ల ఎంగేజ్‌మెంట్ కు సంబంధించిన ఫొటోలు ఇక్కడ చూడండి.
(1 / 4)
భారత క్రికెటర్ రింకూ సింగ్, రాజకీయ నాయకురాలు ప్రియా సరోజ్ ల నిశ్చితార్థం లక్నోలో అంగరంగ వైభవంగా జరిగింది. ఈ వేడుకకు కుటుంబ సభ్యులతో పాటు క్రికెట్, రాజకీయ రంగాలకు చెందిన పలువురు అతిథులు హాజరయ్యారు.
(2 / 4)
టీమిండియా టీ20 టీమ్, కేకేఆర్ తరఫున ఆడుతున్న రింకూ.. ఓ ఎంపీని పెళ్లి చేసుకోబోతుండటం విశేషం. ఈ ఏడాది నవంబర్ 18న వారణాసిలోని తాజ్ హోటల్లో రింకూ, ప్రియా వివాహం జరగనుంది.
(3 / 4)
తన కుమార్తె వివాహం గురించి రింకూ తండ్రితో మాట్లాడినట్లు ప్రియా తండ్రి, సమాజ్ వాదీ పార్టీ ఎమ్మెల్యే తుఫానీ సరోజ్ ఈ ఏడాది జనవరిలో ధృవీకరించారు. నిజానికి రింకూ, ప్రియల ప్రేమకథ చాలా ఆసక్తికరంగా ఉంటుంది. రెండేళ్ల క్రితం ఐపీఎల్ 2023లో రింకూ చివరి ఓవర్లో వరుసగా ఐదు సిక్సర్లు కొట్టి కేకేఆర్ ను గెలిపించాడు. ఓ క్రికెటర్ పెళ్లిలో రింకూ ప్రియను కలిశాడు.
(4 / 4)
ఆ తర్వాత ఇద్దరూ చాలా కాలంగా ప్రేమలో ఉన్నారు. ఒకరినొకరు అర్థం చేసుకున్నారు, ఆపై వివాహం చేసుకోవాలని నిర్ణయించుకున్నారు. రింకు కాబోయే భార్య ప్రియా సరోజ్ 1998 నవంబర్ 23న జన్మించింది. ఆమె స్వయంగా రాజకీయాల్లో క్రియాశీలకంగా వ్యవహరిస్తున్నారు. 25 ఏళ్ల వయసులో బీజేపీ అభ్యర్థి బీపీ సరోజ్ ను ఓడించి ప్రియా లోక్ సభకు ఎన్నికయ్యారు.
ఇతర గ్యాలరీలు