TS Weather Updates : తెలంగాణలో ఆ తేదీ వరకు వానలే..! 13వ తేదీన భారీ వర్ష సూచన - తాజా అప్డేట్స్ ఇవే

తెలంగాణలో వాతావరణం చల్లబడింది. గత రెండు మూడు రోజులుగా వర్షాలు కురుస్తుండటంతో ఉష్ణోగ్రతలు తగ్గుముఖం పట్టాయి. దీంతో ప్రజలకు ఉపశమనం దక్కినట్లు అయింది.

తెలంగాణ రాష్ట్రoలో రానున్న నాలుగైదు రోజుల పాటు తేలికపాటి నుండి మోస్తరు వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది. అయితే కొన్ని జిల్లాల్లో ఉరుములు, మెరుపులతో కూడిన వానలు కురుస్తాయని హెచ్చరించింది.వకాశం-వాతావరణ శాఖ

 ఈరోజు(మే9) అన్ని జిల్లాలకు వర్ష సూచన ఉంది. ఇక ఉత్తర, ఉత్తర ఈశాన్యా జిల్లాలకు ముఖ్యంగా వర్ష ప్రభావం ఉంది. 

మరో నాలుగైదు రోజులు వాతావరణం చల్లగా ఉండే అవకాశం ఉందని హైదరాబాద్ వాతావరణ కేంద్రం తెలిపింది. ఇక మే 13వ తేదీన పలు జిల్లాల్లో భారీ వర్షాలు కురిసే అవకాశం ఉందని హెచ్చరించింది. 

మే 13వ తేదీన వికారాబాద్, సంగారెడ్డి, మెదక్, కామారెడ్డి, మహబూబ్ నగర్, నాగర్ కర్నూల్, వనపర్తి, నారాయణపేట, గద్వాల్ జిల్లాల్లో అక్కడకక్కడ ఉరుములు మెరుపులతో కూడిన వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది. ఈ జిల్లాలకు ఆరెంజ్ హెచ్చరికలను జారీ చేసింది. 
 

మే 15వ తేదీ వరకు తెలంగాణలో తేలికపాటి నుంచి మోస్తారు వర్షాలు కురిసే అవకాశం ఉంది. ఆ తర్వాత మళ్లీ పొడి వాతావరణం ఉండే ఛాన్స్ ఉందని ఐఎండీ అంచనా వేసింది.

మరోవైపు ఏపీకి కూడా వర్ష సూచన ఉంది. ఇవాళ, రేపు, ఎల్లుండి ఉత్తర కోస్తాతో పాటు సీమ జిల్లాల్లో తేలికపాటి నుంచి మోస్తారు వర్షాలు కురిసే అవకాశం ఉందని అంచనా వేసింది.