AP TG Weather News : బలపడనున్న 'అల్పపీడనం' - ఏపీ, తెలంగాణకు వర్ష సూచన

ఆగ్నేయ బంగాళాఖాతం దానిని ఆనుకుని ఉన్న తూర్పు ఈక్వటోరియల్ హిందూ మహాసముద్రం మీదుగా ఉన్న ఆవర్తనం ప్రభావంతో… శనివారం  అదే ప్రాంతంలో అల్పపీడనం ఏర్పడింది. ఈ మేరకు ఐఎండీ ప్రకటన విడుదల చేసింది.
 

ఇది మరింతగా బలపడే అవకాశం ఉంది.  ఇది పశ్చిమ-వాయువ్య దిశగా కొనసాగుతూ డిసెంబర్ 11 నాటికి శ్రీలంక-తమిళనాడు తీరాలకు ఆనుకుని నైరుతి బంగాళాఖాతంకు చేరే అవకాశం ఉందని వాతావరణశాఖ తెలిపింది. 

 ఏపీలో ఇవాళ(డిసెంబర్ 08.2024) శ్రీకాకుళం, విజయనగరం, పార్వతీపురంమన్యం, అల్లూరి సీతారామరాజు, విశాఖపట్నం, అనకాపల్లి, కాకినాడ, కోనసీమ, తూర్పు గోదావరి, పశ్చిమ గోదావరి, ఏలూరు మరియు కృష్ణా జిల్లాల్లోని కొన్ని ప్రాంతాల్లో తేలికపాటి వర్షం కురిసే అవకాశం ఉంది.

తెలంగాణలో చూస్తే ఇవాళ, రేపు పలుచోట్ల తేలికపాటి నుంచి మోస్తారు వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది. 

వర్ష సూచన ఉన్నప్పటికీ తెలుగు రాష్ట్రాలకు హెచ్చరికలు లేవని వాతావరణశాఖ తెలిపింది. అయితే అన్న దాతలు మాత్రం అలర్ట్ గా ఉండాలని సూచించింది. పంట నష్టం వాటిల్లకుండా జాగ్రత్తలు తీసుకోవాలని పేర్కొంది.

ఇక తెలంగాణలో చూస్తే డిసెంబర్ 10వ తేదీ తర్వాత పొడి వాతావరణం ఉంటుందని హైదరాబాద్ వాతావరణ కేంద్రం తెలిపింది. ఎలాంటి హెచ్చరికలు లేవని పేర్కొంది.

తెలంగాణలోని పలు జిల్లాల్లో ఇవాళ ఉదయం పొగమంచు తీవ్రత ఎక్కువగా ఉంటుందని ఐఎండీ హెచ్చరించింది.