Wrestlers protest live updates : రెజ్లర్లను కలిసిన ప్రియాంక గాంధీ- బీజేపీపై విమర్శలు

Apr 29, 2023, 11:50 AM IST Sharath Chitturi

Apr 29, 2023, 11:50 AM , IST

Sharath Chitturi

Wrestlers protest live updates : డబ్ల్యూఎఫ్ఐ చీఫ్, బీజేపీ ఎంపీ బ్రిజ్ భూషణ్కు వ్యతిరేకంగా ఢిల్లీ జంతర్ మంతర్ వద్ద నిరసన చేస్తున్న రెజ్లర్లను శనివారం ఉదయం కలిశారు కాంగ్రెస్ నేత ప్రియాంక గాంధీ. రెజ్లర్లకు మద్దతు తెలుపుతూ బీజేపీపై తీవ్రస్థాయిలో మండిపడ్డారు.

(1 / 6)

శనివారం ఉదయం జంతర్ మంతర్ వద్దకు వెళ్లారు ప్రియాంక గాంధీ. మహిళా రెజ్లర్లతో కొంతసేపు మాట్లాడారు. తమకు జరిగిన అన్యాయాన్ని.. రెజ్లర్లు ప్రియాంకకు చెప్పినట్టు తెలుస్తోంది.(Congress)

(2 / 6)

రెజ్లర్లకు పూర్తి మద్దతు తెలుపుతూ.. బ్రిజ్ భూషణ్ను ఆ పదవిలో నుంచి తొలగించాలని డిమాండ్ చేశారు. పదవిలో ఉన్నంత కాలం క్రీడాకారుల కెరీర్ను ఆయన నాశనం చేసే విధంగా ఒత్తిడి చేస్తారని ఆరోపించారు.(Congress)

(3 / 6)

ఈ క్రమంలోనే బీజేపీపైనా తీవ్ర ఆరోపణలు చేశారు ప్రియాంక గాంధీ. బ్రిజ్ భూషణ్ను బీజేపీ కాపాడుకుంటోందని విమర్శించారు. ప్రభుత్వం రక్షించాల్సింది భూషణ్ను కాదని.. దేశానికి ఎన్నో పతకాలు తీసుకొచ్చి రెజ్లర్లనని అన్నారు.(ANI)

(4 / 6)

జంతర్ మంతర్ వద్ద మీడియాతో మాట్లాడిన ప్రియాంక గాంధీ.. దేశంలో మహిళలకు రక్షణ లేకుండా పోయిందని మండిపడ్డారు. మహిళలకు ఏదైనా అయితే.. ప్రభుత్వం వెంటనే మౌనంగా ఉండిపోతుందని అన్నారు.

(5 / 6)

ప్రియాంక గాంధీ నిష్క్రమించిన అనంతరం రెజ్లర్లు ఢిల్లీలోని కన్నౌట్ పోలీస్ స్టేషన్కు వెళ్లారు. గురువారం బ్రిజ్ భూషణ్పై దాఖలు చేసిన ఎఫ్ఐఆర్ కాపీని పోలీసులు రెజ్లర్లకు ఇచ్చారు.(ANI)

(6 / 6)

మరోవైపు తనపై వచ్చిన ఆరోపణలను బ్రిజ్ భూషణ్ ఖండించారు. తాను ఎలాంటి తప్పు చేయలేదని, పదవికి రాజీనామా చేయనని తేల్చిచెప్పారు. కాంగ్రెస్, ఇతర పార్టీలు కలిసి తనపై కుట్ర పన్నుతున్నట్టు ఆరోపించారు.(PTI)

ఇతర గ్యాలరీలు