PM Internship Scheme 2024 : నెలకు రూ.5 వేల స్టైఫండ్ - పీఎం ఇంటర్న్‌షిప్ స్కీమ్ రిజిస్ట్రేషన్ కు ఇవాళే చివరి తేదీ..!

 కేంద్ర ప్రభుత్వం ‘ప్రధానమంత్రి ఇంటర్న్‌షిప్‌’ కార్యక్రమాన్ని తీసుకొచ్చిన సంగతి తెలిసిందే. ఇందులో భాగంగా టాప్‌-500 కంపెనీల్లో యువతకు ఏడాదిపాటు ఇంటర్న్‌షిప్‌ అవకాశం కల్పిస్తారు.

పైలట్‌ ప్రాజెక్టు ప్రాతిపదికన 1.25 లక్షల మందికి అవకాశాన్ని ఇచ్చేందుకు కేంద్రం ప్రభుత్వం ఈ స్కీమ్ తీసుకొచ్చింది. అయితే ఈ స్కీమ్ రిజిస్ట్రేషన్ దరఖాస్తు గడువు ఇవాళ్టితో(నవంబర్ 15, 2024) పూర్తి అవుతుంది. 

 పదో తరగతి నుంచి డిగ్రీ వరకు అర్హతలున్న 21-24 ఏళ్ల యువత ఈ ఇంటర్న్ షిప్ లో చేరేందుకు కేంద్ర ప్రభుత్వం అవకాశం కల్పించింది. ఎంపికైనవారికి నెలకు రూ.5 వేల చొప్పున అందిస్తారు. ఇలా సంవత్సరం పాటు అందుతుంది.

అర్హులైన అభ్యర్థులు https://pminternship.mca.gov.in వెబ్‌సైట్‌ లోకి వెళ్లి రిజిస్ట్రేషన్ చేసుకోవాల్సి ఉంటుంది. ఎంపికైన వారు ప్రభుత్వం నుంచి నెలవారీగా రూ.4,500, కంపెనీ నుంచి రూ.500 స్టైఫండ్ అందుకుంటారు. అలాగే రూ.6,000 వన్-టైమ్ గ్రాంట్‌కు కూడా అర్హులవుతారు. 

తెలంగాణలో ఏడు వేలకుపైగా ఇంటర్న్‌షిప్‌ అవకాశాలు అందుబాటులో ఉన్నాయి. ఇందుకు దరఖాస్తు చేసుకునే వారి కుటుంబ ఆదాయం సంవత్సరానికి రూ.8 లక్షల కంటే ఎక్కువ ఉండకూడదు లేదా ప్రభుత్వ ఉద్యోగం కలిగి ఉండకూడదు.

అభ్యర్థులు రెగ్యులర్ కోర్సులో ఎన్ రోల్ అయ్యి ఉండకూడదు. ఆన్‌లైన్, దూరవిద్య కోర్సులను అభ్యసించవచ్చు. అలాగే ప్రస్తుతం పూర్తిస్థాయి ఉద్యోగం చేస్తున్న వారు అనర్హులవుతారు. https://pminternship.mca.gov.in/login/ లింక్ పై క్లిక్ చేసి పూర్తి వివరాలను తెలుసుకోవచ్చు.