Follow on:
తెలుగు న్యూస్ / ఫోటో /
Ram Navami celebrations: అయోధ్య రామ మందిరంలో ఘనంగా శ్రీరామనవమి వేడుకలు
Published Apr 17, 2024 12:11 PM IST
500 సంవత్సరాల తరువాత అయోధ్యలో బాల రాముడి ఆలయంలో ఘనంగా శ్రీరామ నవమి వేడుకలు జరుగుతున్నాయి. ఈ సందర్భంగా సూర్య కిరణాలు రామ్ లల్లా విగ్రహం నుదుటిపై పడి సూర్య తిలకం ఏర్పడేలా ప్రత్యేక ఏర్పాట్లు చేశారు. అలాగే, శ్రీరామ నవమి రోజు బాల రాముడికి 56 రకాల భోగ్, ప్రసాదం, పంజీరీ నైవేద్యాలను సమర్పిస్తున్నారు.
(1 / 6)
శ్రీరామనవమి పర్వదినాన్ని పురస్కరించుకుని రామజన్మభూమిలో వేడుకలు ఘనంగా జరుగుతున్నాయి. బుధవారం ఉదయం పెద్ద సంఖ్యలో భక్తులు రామ మందిరానికి తరలివచ్చి రామ్ లల్లాను దర్శించుకున్నారు.
(PTI)
(2 / 6)
అయోధ్యలోని రామాలయంలో శ్రీరామనవమి పర్వదినాన్ని పురస్కరించుకుని అర్చకులు రామ్ లల్లాకు ప్రత్యేక అభిషేకం నిర్వహించారు.
(PTI)
(3 / 6)
ఆలయ సందర్శనకు ముందు భక్తులు సరయూ నది పవిత్ర జలాల్లో స్నానమాచరించారు. తెల్లవారుజామున 3.30 గంటలకు ఆలయంలో దర్శనం ప్రారంభమైంది. (PTI)
(4 / 6)
రామ జన్మభూమి ఆలయ ప్రధాన అర్చకుడు ఆచార్య సత్యేంద్ర దాస్ మాట్లాడుతూ ఈ వేడుకలకు సంబంధించిన అన్ని ఏర్పాట్లను ట్రస్ట్ నిర్వహిస్తోందని, శ్రీరామనవమి పర్వదినాన్ని ఎంతో ఉత్సాహంగా నిర్వహిస్తున్నామని తెలిపారు. (PTI)
(5 / 6)
మంగళవారం హుగ్లీలో శ్రీరామనవమి పర్వదినాన్ని పురస్కరించుకుని ఓ కళాకారుడు వాల్ గ్రాఫిటీ గీశాడు.(ANI)
(6 / 6)
భోపాల్ లోని ఓ ఆలయంలో శ్రీరామనవమి పర్వదినాన్ని పురస్కరించుకుని భక్తులు మంగళవారం నూనె దీపాలు వెలిగించారు.(ANI)
ఇతర గ్యాలరీలు