Naa Saami Ranga on OTT: ఓటీటీలోకి వచ్చేసిన నా సామిరంగ సినిమా: మూడు భాషల్లో స్ట్రీమింగ్: వివరాలివే

కింగ్ నాగార్జున హీరోగా నటించిన నా సామిరంగ సినిమా సంక్రాంతి సందర్భంగా జనవరి 14న థియేటర్లలోకి వచ్చి హిట్ అయింది. విలేజ్ బ్యాక్‍డ్రాప్‍లో యాక్షన్‍తో పాటు ఎంటర్‌టైన్‍మెంట్‍తో అలరించింది. ఇప్పుడు ఈ చిత్రం ఓటీటీలో స్ట్రీమింగ్‍కు అందుబాటులోకి వచ్చింది. 

నా సామిరంగ సినిమా డిస్నీ+ హాట్‍స్టార్ ఓటీటీలో నేడు (ఫిబ్రవరి 17) స్ట్రీమింగ్‍కు వచ్చింది. థియేటర్లలోకి వచ్చిన నెల తర్వాత ఓటీటీలోకి అడుగుపెట్టింది. 

డిస్నీ+ హాట్‍స్టార్ ప్లాట్‍ఫామ్‍లో తెలుగుతో పాటు తమిళం, కన్నడలోనూ  నా సామిరంగ సినిమా స్ట్రీమింగ్‍కు వచ్చింది.

నా సామిరంగ చిత్రంలో కిష్టయ్యగా యాక్షన్‍తో పాటు డైలాగ్‍లు కూడా అదరగొట్టారు నాగార్జున. ఈ చిత్రానికి విజయ్ బిన్నీ దర్శకత్వం వహించారు. 

నా సామిరంగ మూవీలో అల్లరి నరేశ్, రాజ్ తరుణ్ కీలకపాత్రలు పోషించారు. అషికా రంగనాథ్, మిర్నా మీనన్, రుక్సార్ థిల్లాన్ హీరోయిన్లుగా ఉన్నారు. శ్రీ శ్రీనివాస క్రియేషన్స్ బ్యానర్ నిర్మించిన ఈ చిత్రానికి.. ఆస్కార్ విన్నర్ ఎంఎం కీరవాణి సంగీతం అందించారు.