TG Indiramma Housing Scheme : ఇందిరమ్మ ఇళ్లపై కీలక అప్డేట్స్ - అర్హుల జాబితాలపై రీవెరిఫికేషన్, 3 కేటగిరిలుగా విభజన..!
- TG Indiramma Housing Scheme Updates : ఇందిరమ్మ ఇళ్ల స్కీమ్ కు సంబంధించి మరో కీలక అప్డేట్ వచ్చేసింది. ప్రాథమికంగా గుర్తించిన అర్హుల జాబితాను రీవెరిఫికేషన్ చేయాలని గృహ నిర్మాణశాఖ నిర్ణయించింది. అంతేకాదు లబ్ధిదారుల గుర్తింపునకు దరఖాస్తులను కేటగిరిలుగా విభజించనుంది. తాజా అప్డేట్స్ ఇక్కడ చూడండి…
- TG Indiramma Housing Scheme Updates : ఇందిరమ్మ ఇళ్ల స్కీమ్ కు సంబంధించి మరో కీలక అప్డేట్ వచ్చేసింది. ప్రాథమికంగా గుర్తించిన అర్హుల జాబితాను రీవెరిఫికేషన్ చేయాలని గృహ నిర్మాణశాఖ నిర్ణయించింది. అంతేకాదు లబ్ధిదారుల గుర్తింపునకు దరఖాస్తులను కేటగిరిలుగా విభజించనుంది. తాజా అప్డేట్స్ ఇక్కడ చూడండి…
(1 / 8)
తెలంగాణలో ఇందిరమ్మ ఇళ్ల పథకం లబ్దిదారుల ఎంపిక ప్రక్రియ కొనసాగుతోంది. ప్రస్తుతం కొందరికి ప్రోసిడింగ్స్ కూడా అందాయి. అయితే రాష్ట్రవ్యాప్తంగా లబ్ధిదారులను గుర్తించేందుకు అధికారులు కసరత్తు చేస్తున్నారు.
(2 / 8)
అన్ని గ్రామాలకు సంబంధించిన ప్రాథమిక జాబితాలు ఇప్పటికే ఖరారయ్యాయి. అయితే ఇందులో ఉన్న పేర్లను మరోసారి వెరిఫికేషన్ చేయాలని రాష్ట్ర గృహా నిర్మాణశాఖ నిర్ణయించింది. అన్ని కోణాల్లో పరిశీలించి… లబ్ధిదారుల జాబితాలను తయారు చేయనున్నారు.
(3 / 8)
ప్రతి దరఖాస్తును క్షుణ్నంగా పరిశీలించి లబ్ధిదారులనుఎంపిక చేయాలని అన్ని జిల్లా కలెక్టర్లు, మున్సిపల్ కమిషనర్లకు రాష్ట్ర హౌసింగ్ కార్పొరేషన్ నుంచి తాజాగా ఆదేశాలు జారీ అయ్యాయి. ఈ మేరకు గురువారం సర్క్యూలర్ జారీ అయింది.
(4 / 8)
పాత దరఖాస్తులే కాకుండా… గ్రామసభల్లో వచ్చిన దరఖాస్తులను కూడా పరిశీలించాలని హౌసింగ్ కార్పొరేషన్ స్పష్టం చేసింది. అనర్హులకు ఇవ్వొద్దని, అలాంటి వారిని గుర్తించి పక్కన పెట్టాలని సూచించింది.
(5 / 8)
రీవెరిఫికేషన్ ప్రాసెస్ మాత్రమే కాకుండా… ఇందిరమ్మ ఇళ్ల దరఖాస్తులను కేటగిరిలుగా విభజించారు. L1, L 2, L3 కేటగిరిలుగా చేసి.. లబ్ధిదారులను ఫైనల్ చేయనున్నారు.
(6 / 8)
సొంత జాగా ఉండి ఇళ్లు లేనివాళ్లను ఎల్ 1 కేటగిరిలో ఉంచుతారు. ఇక ఎల్ 2 లో స్థలం, ఇల్లు రెండూ లేనివాళ్ల పేర్లను చేరుస్తున్నారు. ఎల్ 3లో అద్దె ఇంట్లో ఉన్నవారు, రేకుల షెడ్, పెంకుటిండ్లలో ఉన్నవారి పేర్లను ఎక్కిస్తున్నారు.
(7 / 8)
ఇక మొదటి దశలో సొంత జాగ ఉండి ఇళ్లు లేని వాళ్లకు ప్రాధాన్యం ఇస్తామని ప్రభుత్వం ఇప్పటికే ప్రకటించింది. రెండో దశలో స్థలంతో పాటు ఇంటి నిర్మాణానికి సాయం చేస్తామని పేర్కొంది. అంటే ఈ తొలి విడతలో సొంత జాగ ఉన్న వారికే ఇందిరమ్మ ఇళ్లు రానున్నాయి.
ఇతర గ్యాలరీలు