Netflix OTT: నెట్‍ఫ్లిక్స్‌ ఓటీటీలో ఈ వారం వస్తున్న 5 టాప్ సినిమాలు.. థ్రిల్లర్, హారర్, కామెడీ చిత్రాలు

దో పత్తీ చిత్రం ఈ శుక్రవారం అక్టోబర్ 25వ తేదీన నెట్‍ఫ్లిక్స్ ఓటీటీ ప్లాట్‍ఫామ్‍లో నేరుగా స్ట్రీమింగ్‍కు రానుంది. ఈ క్రైమ్ థ్రిల్లర్ చిత్రంలో కృతి సనన్, కాజోల్, షాహీర్ షేక్ ప్రధాన పాత్రలు పోషించగా.. శశాంక చతుర్వేది దర్శకత్వం వహించారు. హిందీ, తెలుగు, ఇంగ్లిష్ భాషల్లో ఈ చిత్రం నెట్‍ఫ్లిక్స్ ఓటీటీలో స్ట్రీమ్ అవనుంది.

హారర్ థ్రిల్లర్ చిత్రం ‘డోంట్ మూవ్’ కూడా అక్టోబర్ 25వ తేదీన నెట్‍ఫ్లిక్స్ ఓటీటీ ప్లాట్‍ఫామ్‍లో నేరుగా స్ట్రీమింగ్‍కు అడుగుపెట్టనుంది. ఆడమ్ షిండ్లర్, బ్రియాన్ నీటో దర్శకత్వం వహించిన ఈ చిత్రంలో కేల్సే అస్‍బిలే, ఫిన్ విట్రోక్ లీడ్ రోల్స్ చేశారు. 

తమిళ మూవీ మేయళగన్ చిత్రం నెట్‍ఫ్లిక్స్ ఓటీటీ ప్లాట్‍ఫామ్‍లో అక్టోబర్ 25వ తేదీన స్ట్రీమింగ్‍కు రానుంది. ఈ సినిమా తెలుగు వెర్షన్ సత్యం సుందరం కూడా స్ట్రీమింగ్‍కు వస్తుంది. సెప్టెంబర్‌లో థియేటర్లలో రిలీజైన ఈ మూవీ సూపర్ హిట్ అయింది. మేయళగన్ మూవీలో తమిళ స్టార్లు కార్తి, అరవింద్ స్వామి ప్రధాన పాత్రలు పోషించగా.. ప్రేమ్ కుమార్ దర్శకత్వం వహించారు. 

అడ్వెంచర్ ఫ్యాంటసీ కామెడీ మూవీ ‘ఫ్యామిలీ ప్యాక్’ నెట్‍ఫ్లిక్స్ ఓటీటీ ప్లాట్‍ఫామ్‍లో నేడు (అక్టోబర్ 23) నేరుగా స్ట్రీమింగ్‍కు అడుగుపెట్టింది. ఈ ఫ్రెంచ్ చిత్రం తెలుగు, ఇంగ్లిష్, తమిళం, హిందీ భాషల్లోనూ అందుబాటులోకి వచ్చింది.  

‘హైజాక్ 93’ సినిమా నెట్‍ఫ్లిక్స్‌లో అక్టోబర్ 25వ తేదీన స్ట్రీమింగ్‍కు వస్తుంది. 1993లో జరిగిన నైజీరియన్ ఎయిర్‌వేస్ విమానం హైజాక్ ఘటన ఆధారంగా ఈ చిత్రం రూపొందింది. ఈ హిస్టారికల్ డ్రామా చిత్రానికి చార్లెస్ ఓప్కలేక్ దర్శకత్వం వహించారు.