భాషను ఎంచుకోండి

కేటగిరీ

తెలుగు న్యూస్ / ఫోటో / Telangana Tourism : సాగర్ గేట్లు ఎత్తారు.. చూసొద్దామా..! రూ. 800కే టూర్ ప్యాకేజీ, ఒకే రోజులో ఇవన్నీ చూడొచ్చు..!

Telangana Tourism : సాగర్ గేట్లు ఎత్తారు.. చూసొద్దామా..! రూ. 800కే టూర్ ప్యాకేజీ, ఒకే రోజులో ఇవన్నీ చూడొచ్చు..!

Oct 21, 2024, 06:30 AM IST Maheshwaram Mahendra Chary

Oct 21, 2024, 06:30 AM , IST

Maheshwaram Mahendra Chary

కృష్ణమ్మకు మరోసారి వరద ఉద్ధృతి మొదలైంది. దీంతో నాగార్జున సాగర్ ప్రాజెక్ట్ గేట్లు ఎత్తారు. సాగర్ ప్రాజెక్ట్ ను చూసేందుకు పర్యాటకులు భారీగా తరలివెళ్తున్నారు. అయితే అతి తక్కువ ధరలోనే తెలంగాణ టూరిజం.. హైదరాబాద్ నుంచి టూర్ ప్యాకేజీని ఆపరేట్ చేస్తోంది. కేవలం రూ. 800కే టికెట్ బుక్ చేసుకోవచ్చు.

(1 / 7)

ఎగువ నుంచి వరద ఉద్ధృతి కొనసాగుతుండటంతో నాగార్జున సాగర్ ప్రాజెక్ట్ నిండుకుండను తలపిస్తోంది. దీంతో అధికారులు ప్రాజెక్ట్ గేట్లు పైకి ఎత్తి నీటిని దిగువకు విడుదల చేస్తున్నారు. కృష్ణమ్మ అలల అందాలను చూసేందుకు పర్యాటకులు భారీగా తరలివెళ్తున్నారు.

(2 / 7)

అయితే నాగార్జున సాగర్ ప్రాజెక్ట్ ను చూసేందుకు తెలంగాణ టూరిజం ప్రత్యేక ప్యాకేజీని ఆపరేట్ చేస్తోంది. తక్కువ ధరలోనే టూర్ ప్యాకేజీని అందుబాటులోకి తీసుకువచ్చింది. హైదరాబాద్ నుంచి ఈ ట్రిప్ ను ఆపరేట్ చేస్తోంది. కేవలం రూ. 800 టికెట్ ధరలోనే ఈ ప్యాకేజీ అందుబాటులో ఉంది.

(3 / 7)

ఈ టూర్ ప్యాకేజీలో భాగంగా సాగర్ ప్రాజెక్టుతో పాటు సమీపంలో ఉన్న అద్భుతమైన ప్రాంతాలను చూడొచ్చు. కేవలం వన్ డ్ లోనే ఈ ట్రిప్ ముగుస్తుంది. అయితే ఈ ప్యాకేజీ వీకెండ్స్ లోనే ఉంటుంది. హైదరాబాద్ నుంచి ఈ ప్యాకేజీని ఆపరేట్ చేస్తున్నారు. ప్రతి శనివారం, ఆదివారం తేదీల్లో జర్నీ ఉంటుంది. అంతకంటే ముందుగానే టూరిస్టులు బుకింగ్ చేసుకోవాలి. https://tourism.telangana.gov.in/ వెబ్ సైట్ లోకి వెళ్లి పూర్తి వివరాలను తెలుసుకోవచ్చు. ప్రస్తుతం అక్టోబర్ 26, 27వ తేదీల్లో అందుబాటులో ఉంది. ఈ వీక్ మిస్ అయితే… నెక్స్ట్ వీక్ లో ప్లాన్ చేసుకోవచ్చు

(4 / 7)

ప్రతి శనివారం, ఆదివారం ఉదయం 7.30 గంటలకు హైద‌రాబాద్ లోని పర్యాటక భవన్ నుంచి బస్సు బయల్దేరుతుంది. ఇదే బస్సు 8 గంటలకు బషీర్ బాగ్ కు చేరుకుంటుంది. ఉదయం 11:30 గంటలకి నాగార్జున సాగర్‌కు చేరుకుంటారు. ఉదయం 11:40 గంట‌ల‌కు అంతర్జాతీయ స్థాయిలో అభివృద్ధి చేసిన బుద్దవనం ప్రాజెక్ట్ ను సందర్శిస్తారు. త‌ర్వాత‌ లంచ్ బ్రేక్ ఉంటుంది. ఆ తర్వాత నాగార్జునకొండ కు లాంచీలో ప్రయాణం ఉంటుంది. అక్క‌డ నాగార్జున సాగర్ మ్యూజియం, నాగార్జునకొండ సందర్శిస్తారు. సాయంత్రం 4 గంటలకు నాగార్జున సాగర్ డ్యామ్ ను సంద‌ర్శ‌ిస్తారు. ప్రస్తుతం ప్రాజెక్ట్ అంతా కూడా నిండిపోయి ఉంది.

(5 / 7)

సాయంత్రం 5 గంట‌ల‌కు నాగార్జున సాగర్ నుంచి తిరుగు ప్రయాణం ఉంటుంది. రాత్రి 9 గంటలకు హైదరాబాద్ చేరుకుంటారు. దీంతో ఈ వన్ డే టూర్ ప్యాకేజీ ముగుస్తుంది. ఈ ప్యాకేజీ పూర్తి వివరాల కోసం తెలంగాణ టూరిజం వెబ్ సైట్ ను సందర్శించారు. Nagarjuna sagar Tour ' పేరుతో ఈ ప్యాకేజీ డిస్ ప్లే అవుతుంది.

(6 / 7)

హైదరాబాద్ - సాగర్ టూర్ ప్యాకేజీ ధరలు : పెద్దలకు రూ. 800గా నిర్ణయించారు. ఇక చిన్న పిల్లలకు రూ. 640గా ఉంది.

(7 / 7)

హైదరాబాద్ - సాగర్ ప్యాకేజీ బుకింగ్ లింక్ : https://tourism.telangana.gov.in/toursList?type=Road&groupCode=2&serviceCode=23&journeyDate=2024-10-26&adults=2&childs=0

ఇతర గ్యాలరీలు