Naga Chaitanya: అభిమాని ఇంటికి వెళ్లిన నాగచైతన్య: ఫొటోలు

యువ సామ్రాట్ అక్కినేని నాగచైతన్య హీరోగా నటించిన తండేల్ సినిమా మంచి కలెక్షన్లు సాధిస్తోంది. ఈ తరుణంలో సక్సెస్ టూర్ కోసం విజయవాడకు నేడు (ఫిబ్రవరి 9) వెళ్లింది మూవీ టీమ్. ఈ సందర్భంగా తన తండ్రి నాగార్జునకు వీరాభిమాని అయిన వ్యక్తి ఇంటికి వెళ్లారు చైతన్య. 

విజయవాడలోని ఆల్ ఇండియా అక్కినేని నాగార్జున యువసేన అధ్యక్షుడు సర్వేశ్వర రావు ఇంటికి నాగచైతన్య వెళ్లారు. సర్వేశ్వర రావుకు అనారోగ్యంగా ఉండటంతో పరామర్శించారు. 

సర్వేశ్వర రావుతో.. వారి కుటుంబ సభ్యులతో నాగచైతన్య మాట్లాడారు. ఆరోగ్య పరిస్థితిని అడిగి తెలుసుకున్నారు. 

అక్కినేని అభిమాని ఇంటికి నాగచైతన్య వెళ్లిన ఫొటోలు, వీడియోలు సోషల్ మీడియాలో వైరల్ అవుతున్నాయి. చైతూను నెటిజన్లు ప్రశంసిస్తున్నారు. 

చైతూ, సాయిపల్లవి జోడీగా నటించిన తండేల్ చిత్రం ఫిబ్రవరి 7న రిలీజ్ అయింది. రెండు రోజుల్లోనే రూ.41కోట్ల గ్రాస్ కలెక్షన్లతో అదరగొట్టింది. నేడు విజయవాడ కనకదుర్గమ్మ ఆలయాన్ని దర్శకుడు చందూ మెండేటితో కలిసి సందర్శించారు చైతూ.