Murrel Fish Health Benefits: కొర్రమీను చేపతో ఈ ఆరోగ్య ప్రయోజనాలు కూడా ఉన్నాయి..

చేపలు అనేక ఆరోగ్య ప్రయోజనాలను అందించే ఆహారాలు. మాంసాహారాల్లో చేపలు బెస్ట్ ఫుడ్ అంటారు. కొన్ని రకాల చేపలు వ్యాధులకు వ్యతిరేకంగా కూడా పోరాడుతాయి. 

ఒక రుచికరమైన చేప జాతి కొర్రమీను. ఇది పొడవైన, చదునైన శరీరాన్ని కలిగి ఉంటుంది. నదులు, జలాశయాలు, చెరువులలో లభిస్తుంది. వీటికి ఉన్న డిమాండ్ కారణంగా ఈ రకాలను ప్రత్యేకంగా పెంచుతున్నారు.

100 గ్రాముల కొర్రమీను చేప మాంసంలో 94 కేలరీలు, 16.2 గ్రా ప్రోటీన్, 140 మి.గ్రా కాల్షియం, 0.5 మి.గ్రా ఐరన్, 1080 ఎంసిజి జింక్ ఉంటాయి.

కొర్రమీను చేప లో యాంటీ ఆక్సిడెంట్లు పుష్కలంగా ఉంటాయి. ఇది మంచినీటి చేప అయినందున, దీనిలో పెద్ద మొత్తంలో అమైనో ఆమ్లం, కొవ్వు ఆమ్లం, లిపోఫిలిక్ యాంటీఆక్సిడెంట్లు ఉంటాయి. ఇవి ఒమేగా-3 ని అభివృద్ధి చేస్తాయి.  ఈ చేపను తినడం వల్ల శరీరం కాలుష్యం బారిన పడకుండా ఉండడమే కాకుండా బరువు పెరగడాన్ని కూడా నియంత్రిస్తుంది

ఇందులో ఉండే గ్లైసిన్, అరాకిడోనిక్ యాసిడ్ శరీరంలోని గాయాలను మాన్పడానికి సహాయపడుతుంది. గర్భిణీ స్త్రీలకు, ఇది ప్రసవానంతర గాయాలను నయం చేస్తుంది. అలాగే గాయాలు ఉన్నవారు కూడా ఈ చేపను తింటే త్వరగా నయమవుతుంది.

కడుపు సంబంధిత సమస్యలకు ఇది మంచి ఔషధం. మలబద్ధకం ఉన్నవారు ఈ చేపను తింటే వెంటనే ఉపశమనం లభిస్తుంది. చర్మ వ్యాధి తామరకు చికిత్స చేస్తుంది. శరీరంలో నొప్పి, మంటను తగ్గిస్తుంది. కీళ్లనొప్పుల నుంచి బయటపడేందుకు చాలా మందికి ఈ చేపను తినడం అలవాటు.

ఈ చేపల చర్మంలో ఉండే సెరోటోనెర్జిక్ పదార్థాలు యాంటీ డిప్రెసెంట్‌గా పనిచేస్తాయి. వీటిలోని పోషక విలువలు శారీరక బలహీనతలను దూరం చేస్తాయి.