ఓటీటీలో గత వారం ఎక్కువ మంది చూసిన టాప్ 5 సినిమాలు ఇవే.. లిస్టులో రెండు తెలుగు సినిమాలు.. సౌత్ సినిమాయే నంబర్ వన్

ఓటీటీలో గత వారం ఎక్కువ మంది చూసిన సినిమాల జాబితాను ఆర్మాక్స్ మీడియా రిలీజ్ చేసింది. మే 12 నుంచి 18తో ముగిసిన వారానికి సంబంధించిన టాప్ 5 సినిమాల జాబితాను విడుదల చేసింది.

ఫ్యాన్స్ రీసెర్చ ప్రకారం ఈ జాబితాను తయారు చేసినట్లు తెలిపింది. కనీసం 30 నిమిషాల పాటు చూసిన సినిమాలు, అవి సంపాదించిన వ్యూస్ ను ఆర్మాక్స్ వెల్లడించింది.

అజిత్ కుమార్ నటించిన గుడ్ బ్యాడ్ అగ్లీ మూవీ ఈ జాబితాలో తొలి స్థానంలో ఉంది. ఈ మూవీకి 6.1 మిలియన్ వ్యూస్ వచ్చాయి. నెట్‌ఫ్లిక్స్ లో ఈ మూవీ స్ట్రీమింగ్ అవుతోంది.

తమన్నా నటించిన మూవీ ఓదెల 2. ఈ సినిమా అమెజాన్ ప్రైమ్ వీడియోలో స్ట్రీమింగ్ అవుతుంది. ఇండియాలో టాప్ ట్రెండింగ్ లో రెండో స్థానంలో ఉన్న ఈ సినిమాకు గత వారం 3.8 మిలియన్ల వ్యూస్ వచ్చాయి

ది డిప్లొమాట్ - జాన్ అబ్రహాం నటించిన ది డిప్లొమాట్ మూవీకి కూడా మంచి రెస్పాన్స్ వస్తోంది. ఈ సినిమా నెట్‌ఫ్లిక్స్ లో స్ట్రీమింగ్ అవుతోంది. దీనికి 3.1 మిలియన్ వ్యూస్ వచ్చాయి.

మ్యాడ్ స్క్వేర్ - తెలుగు సినిమా మ్యాడ్ స్క్వేర్ నాలుగో స్థానంలో ఉంది. ఈ సినిమాకు 1.8 మిలియన్ వ్యూస్ వచ్చాయి.

వీర ధీర శూరన్ పార్ట్ 2 - వీర ధీర శూరన్ పార్ట్ 2 అమెజాన్ ప్రైమ్ వీడియోలో స్ట్రీమింగ్ అవుతోంది. ఇది 1.7 మిలియన్ వ్యూస్ తో ఐదో స్థానంలో ఉంది.