ఈ ఏడాది మోస్ట్ అవేటెడ్ టాప్ 6 వెబ్ సిరీస్ ఇవే.. కొత్త సీజన్ల కోసం వేచి చూస్తున్న ఫ్యాన్స్.. ఇప్పటికే ఒకటి ఓటీటీలోకి..

ఈ మంగళవారం (జూన్ 24) ఓటీటీ ఫ్యాన్స్ కు పండగే అని చెప్పాలి. మోస్ట్ అవేటెడ్ వెబ్ సిరీస్ లలో ఒకటైన పంచాయత్ సీజన్ 4 ఇవాళే వచ్చేసింది. మరొకటి ది ఫ్యామిలీ మ్యాన్ సీజన్ 3 అప్డేట్ వచ్చింది. మరి వీటితోపాటు ఈ ఏడాది మోస్ట్ అవేటెడ్ వెబ్ సిరీస్ ఏవో చూడండి.

పంచాయత్ సీజన్ 4: పంచాయత్ వెబ్ సిరీస్ నాలుగో సీజన్ మంగళవారం (జూన్ 24) అమెజాన్ ప్రైమ్ వీడియోలోకి వచ్చేసింది. ఈ కొత్త సీజన్ ఫులేరా గ్రామ పంచాయతీకి ఎన్నికల నేపథ్యంలో వేడెక్కింది. మరి ఆ ఊరికి కొత్త సర్పంచ్ ఎవరో ఈ సీజన్లో చూసేయండి.

స్పెషల్ ఓపీఎస్ సీజన్ 2: కే కే మేనన్ మరోసారి రా ఏజెంట్ హిమ్మత్ సింగ్ పాత్రలో కనిపించనున్నాడు. ఈసారి హైటెక్ సైబర్ టెర్రరిజం, డిజిటల్ చెల్లింపుల రక్షణపై దృష్టి సారించిందీ సిరీస్. జులై 11 నుంచి జియోహాట్‌స్టార్ ఓటీటీలో ఈ కొత్త సీజన్ స్ట్రీమింగ్ కానుంది.

స్క్విడ్ గేమ్ సీజన్ 3 - నెట్‌ఫ్లిక్స్ మోస్ట్ వాచ్డ్ వెబ్ సిరీస్ గా పేరుగాంచిన స్క్విడ్ గేమ్ సీజన్ 3 ఈ వారమే వస్తోంది. జూన్ 27 నుంచి ఈ కొత్త సీజన్ స్ట్రీమింగ్ కానుంది.

కోహ్రా సీజన్ 2: పంజాబ్ నేపథ్యంలో తెరకెక్కిన క్రైమ్ థ్రిల్లర్ సిరీస్ 'కోహ్రా' రెండో సీజన్ కూడా త్వరలో రాబోతోంది. మొదటి సీజన్ మాదిరిగానే, ఇది కూడా పోలీస్ ఇన్వెస్టిగేషన్ చుట్టూ సాగే క్రైమ్ థ్రిల్లర్. నెట్‌ఫ్లిక్స్ లోనే ఈ కొత్త సీజన్ స్ట్రీమింగ్ కానుంది.

ది ఫ్యామిలీమ్యాన్ సీజన్ 3: మనోజ్ బాజ్ పాయ్ సూపర్ హిట్ సిరీస్ 'ఫ్యామిలీ మ్యాన్' మూడో సీజన్ ఈ ఏడాదే రానుంది. మంగళవారం (జూన్ 24) కొత్త పోస్టర్ రిలీజ్ చేసిన మేకర్స్.. త్వరలోనే స్ట్రీమింగ్ కానున్నట్లు వెల్లడించారు. నవంబర్లో ఈ కొత్త సీజన్ వస్తుందని అంచనా వేస్తున్నారు.

ఢిల్లీ క్రైమ్ 3 - షెఫాలీ షా మరోసారి డీఐజీ వర్తికా పాత్రలో కనిపించనున్న సిరీస్ ఢిల్లీ క్రైమ్ సీజన్ 3. ఈసారి కథ ఒక పెద్ద మానవ అక్రమ రవాణా రాకెట్ చుట్టూ తిరుగుతుంది, ఇందులో హుమా ఖురేషి ప్రమాదకరమైన విలన్ పాత్రలో కనిపించనుంది. ఈ సిరీస్ కూడా నెట్‌ఫ్లిక్స్ లోకే రానుంది.