AP Floods : ఏపీ వరదలు… ఇప్పటివరకు 30 మందికిపైగా మృతి - పంట నష్టం ఎంతంటే..?

Sep 04, 2024, 10:56 PM IST Maheshwaram Mahendra Chary

Sep 04, 2024, 10:34 PM , IST

Andhrapradesh Floods 2024 : ఏపీలోని భారీ వర్షాలు, వరదలు తీవ్ర విషాదాన్ని మిగిల్చాయి. ఈ వరదల కారణంగా ఇప్పటివరకు 32 మంది మృతి చెందారని ప్రభుత్వం ప్రకటించింది. అత్యధికంగా ఎన్టీఆర్ జిల్లాలోనే 23 మంది ప్రాణాలు కోల్పోయారని పేర్కొంది.

(1 / 6)

ఆంధ్రప్రదేశ్ రాష్ట్రాన్ని భారీ వరదలు అల్లకల్లోలం చేశాయి. ఓవైపు భారీ స్థాయిలో ఆస్తి నష్టం జరగగా… మరోవైపు 30 మందికిపైగా ప్రాణాలు కోల్పోయారు.

(2 / 6)

ఏపీలో వరదల కారణంగా ఇప్పటివరకు 32 మంది మృతి చెందారని ఏపీ సర్కార్ వెల్లడించారు. ఎన్టీఆర్‌ జిల్లాలో 24 మంది, గుంటూరు జిల్లాలో ఏడుగురు, పల్నాడు జిల్లాలో ఒకరు మృతి చెందినట్లు తెలిపింది.

(3 / 6)

వరదల వల్ల 212 పశువులు, 60 వేల కోళ్లు మృతి చెందినట్లు ఏపీ ప్రభుత్వం తెలిపింది.

(4 / 6)

1,69,370 ఎకరాల్లో పంటతో పాటు 18,424 ఎకరాల్లో ఉద్యాన వన పంటలకు నష్టం వాటిల్లిందని వెల్లడించింది. ఈ వరదల ఫలితంగా 2 లక్షల 34 వేల మంది రైతులు నష్టపోయినట్లు ప్రాథమికంగా అంచనా వేసింది.

(5 / 6)

3973 కిలోమీటర్ల రహదారులు దెబ్బతిన్నాయని సర్కార్ తెలిపింది. 78 చెరువులు, కాలువలకు గండ్లు పడ్డాయని వివరించింది.

(6 / 6)

మరోవైపు విజయవాడలోని వరద ప్రభావిత ప్రాంతాల్లో పారిశుద్ఝ పనులు వేగవంతంగా సాగుతున్నాయి.

ఇతర గ్యాలరీలు