తప్పకుండా చూడాల్సిన మోహ‌న్‌లాల్‌ 5 థ్రిల్లర్ మూవీస్.. ఏ ఓటీటీల్లో ఉన్నాయంటే? తెలుగులోనూ స్ట్రీమింగ్.. ఓ లుక్కేయండి

మోహన్ లాల్ థ్రిల్లర్స్ లో దృశ్యం సినిమాకు స్పెషల్ ప్లేస్ ఉంది. 2013లో వచ్చిన ఈ క్రైమ్ థ్రిల్లర్ అదరగొట్టింది. కూతురును ఏడిపించిన అబ్బాయి శవాన్ని మాయం చేసే తండ్రిగా మోహన్ లాల్ నటించారు. ఈ మూవీ జియో హాట్ స్టార్ లో ఉంది. ఈ కథతో తెలుగులో వెంకటేష్ హీరోగా సినిమా వచ్చింది.

మోహన్ లాల్ అంధుడిగా నటించిన థ్రిల్లర్ మూవీ ఒప్పం. తెలుగులో కనుపాప పేరుతో వచ్చింది సినిమా. 2016లో వచ్చిన ఒప్పంలో ఓ మర్దర్ కేసులో ఇరుక్కోవడంతో పాటు, సైకో కిల్లర్ నుంచి చిన్నారిని కాపాడే పాత్రలో ఒదిగిపోయారు మోహన్ లాల్. ఒప్పం జియో హాట్ స్టార్ లో, కనుపాప ఏమో ప్రైమ్ వీడియోలో ఉంది.

రేప్ కు గురైన అంధురాలైన యువతికి అండగా నిలిచే లాయర్ పాత్రలో అదరగొట్టారు మోహన్ లాల్. కోర్ట్ డ్రామా థ్రిల్లర్ గా వచ్చిన నేరు ఫ్యాన్స్ ను మెప్పించింది. ఈ మూవీ తెలుగులోనూ జియో హాట్ స్టార్ లో ఉంది.

పొలిటికల్ డ్రామా థ్రిల్లర్ లూసిఫర్ లో మోహన్ లాల్ యాక్టింగ్ వేరే లెవెల్. ఆయన స్వాగ్ అదిరిపోయింది. 2019లో వచ్చిన ఈ మూవీ బ్లాక్ బస్టర్ గా నిలిచింది. ప్రైమ్ వీడియోలో ఉందీ సినిమా. ఈ సినిమాను తెలుగులో చిరంజీవితో గాడ్ ఫాదర్ పేరుతో రీమేక్ చేశారు.

మలయాళ లేటెస్ట్ బ్లాక్ బస్టర్ తుడరుమ్ మూవీ. ఇటీవల థియేటర్లలో రిలీజైన ఈ థ్రిల్లర్ మూవీ కలెక్షన్ల రికార్డు నెలకొల్పింది. మలయాళ బాక్సాఫీస్ దగ్గర రూ.100 కోట్లు కలెక్ట్ చేసిన ఫస్ట్ మూవీగా హిస్టరీ క్రియేట్ చేసింది. ఈ సినిమా త్వరలోనే జియో హాట్ స్టార్ ఓటీటీలోకి రాబోతుంది.