Single Character Movies: ఓటీటీలో మిస్ కాకుండా చూడాల్సిన సింగిల్ క్యారెక్ట‌ర్ థ్రిల్ల‌ర్ మూవీస్ ఇవే!

సింగిల్ క్యారెక్ట‌ర్‌తో హ‌న్సిక చేసిన‌  తెలుగు సైక‌లాజిక‌ల్ థ్రిల్ల‌ర్ మూవీ  105 మినిట్స్ ఆహా ఓటీటీతో పాటు అమెజాన్ ప్రైమ్ వీడియోల‌లో స్ట్రీమింగ్ అవుతోంది. ఓ అదృశ్య శ‌క్తి కార‌ణంగా త‌న ఇంట్లోనే బందీగా మారిన యువ‌తి ఎలా త‌ప్పించుకుంద‌నే పాయింట్‌తో ఈ మూవీ తెర‌కెక్కింది. 

 మోహ‌న్‌లాల్ సింగిల్ క్యారెక్ట‌ర్‌లో క‌నిపించిన మ‌ల‌యాళం మూవీ ఎలోన్ డిస్నీ ప్ల‌స్ హాట్‌స్టార్‌లో చూడొచ్చు. లాక్‌డౌన్ టైమ్‌లో హ‌రిదాస్ అనే వ్య‌క్తి కొత్త ఫ్లాట్‌లోకి దిగుతాడు. ఆ ఫ్లాట్‌లోని ఆత్మ‌ల కార‌ణంగా హ‌రిదాస్ ప‌డే ఇబ్బందుల‌తో హార‌ర్ థ్రిల్ల‌ర్‌గా ఈ మూవీ తెర‌కెక్కింది. 

సింగిల్ క్యారెక్ట‌ర్‌తో రూపొందిన తెలుగు మూవీ హ‌లో మీరా అమెజాన్ ప్రైమ్ ఓటీటీలో అందుబాటులో ఉంది. మీరా అనే యువ‌తికి రోడ్ జ‌ర్నీలో ఎదురైన అనూహ్య ప‌రిణామాల‌తో సైక‌లాజిక‌ల్ థ్రిల్ల‌ర్‌గా ఈ మూవీ రూపొందింది. 

నిత్యామీన‌న్ సింగిల్ క్యారెక్ట‌ర్‌తో ప్ర‌యోగాత్మ‌కంగా చేసిన మ‌ల‌యాళం మూవీ ప్రాణ అమెజాన్ ప్రైమ్‌లో స్ట్రీమింగ్ అవుతోంది. ఈ థ్రిల్ల‌ర్ మూవీకి వీకే ప్ర‌కాష్ ద‌ర్శ‌క‌త్వం వ‌హించాడు. 

విజ‌య్ రాఘ‌వేంద్ర హీరోగా న‌టించిన క‌న్న‌డ క్రైమ్ థ్రిల్ల‌ర్ మూవీ రాఘు  అమెజాన్ ప్రైమ్ ఓటీటీలో రిలీజైంది. ఒకే ఒక క్యారెక్ట‌ర్‌తో వ‌చ్చిన ఈ మూవీ క‌మ‌ర్షియ‌ల్ స‌క్సెస్‌గా నిలిచింది.