Milk Side Effects : పాలు ఎక్కువగా తాగడం వల్ల కలిగే దుష్ప్రభావాలను తెలుసుకోండి

ముఖ్యంగా కొవ్వు ఎక్కువగా ఉండే పాలు అతిగా తాగడం వల్ల ముఖంపై మొటిమలు వస్తాయి. పాలు ఎక్కువగా తాగితే మొటిమలు ఎక్కువగా కనిపిస్తాయి. పాలలో ఉండే కొన్ని హార్మోన్ల వల్ల శరీరంలోని ఆయిల్ గ్రంథులు ఎక్కువగా స్రవిస్తాయి. దీనివల్ల మొటిమలు వస్తాయి.

పాలు ఎక్కువగా తాగితే కిడ్నీలో రాళ్లు ఏర్పడతాయి. పాలలో క్యాల్షియం పుష్కలంగా ఉంటుంది. ఎముకలు ఏర్పడటానికి కాల్షియం చాలా అవసరం. అయితే మీ శరీరంలో కాల్షియం అధికంగా పేరుకుపోయినప్పుడు అది సరిగా విసర్జించబడకపోతే అది కిడ్నీ స్టోన్స్ గా మారుతుంది. మితంగా పాలు తాగడం వల్ల కిడ్నీల ఆరోగ్యం మెరుగుపడుతుంది.

పాలలో కేలరీలు అధికంగా ఉంటాయి. వీటిని ఎక్కువగా తీసుకుంటే శరీరానికి ఎక్కువ క్యాలరీలు వచ్చి బరువు పెరిగేలా చేస్తుంది. ముఖ్యంగా టేస్టీ అండ్ స్వీట్ డైరీ డ్రింక్స్ తాగితే శరీరంలో క్యాలరీలు పెరుగుతాయి.

అధిక కొవ్వు కలిగిన పాలు మీ శరీరంలో కొలెస్ట్రాల్ స్థాయిలను పెంచుతాయి. ఇది శరీరంలో గుండె జబ్బుల ప్రమాదాన్ని పెంచుతుంది. అధిక కొవ్వు ఉన్న పాలు తాగితే, ఇది మీ గుండె ఆరోగ్యాన్ని పెంచుతుంది.

పాలు పిల్లల నుండి పెద్దల వరకు ప్రతి ఒక్కరూ ఇష్టపడుతారు. పిల్లలకు పాలు మొదటి ఆహారం, అవసరమైన ఆహారం. 40 ఏళ్లు పైబడిన మహిళలు కూడా పాలు తాగాలి. ఎందుకంటే ఇది 40 సంవత్సరాల తరువాత ఎముక రుగ్మతలను సరిచేయడానికి సహాయపడుతుంది. కానీ అతిగా తాగకూడదు.