Oversleeping: అతిగా నిద్రపోతే కలిగే అనర్థాలు ఎక్కువే!

రోజుకు 9 గంటల కంటే ఎక్కువ నిద్రపోతే, అది అతిగా నిద్రపోవడమే అవుతుంది. 9 గంటల కంటే ఎక్కువ నిద్రపోయే వారిలో, స్ట్రోక్ వచ్చే ప్రమాదం 23 శాతం వరకు పెరుగుతుందని అధ్యయనాలు చెబుతున్నాయి.

రాత్రి తగినంత నిద్ర పోయాక కూడా, మధ్యాహ్నం కూడా ఎక్కువగా నిద్రపోయే వారికి గుండె జబ్బులు వచ్చే ప్రమాదం 25 శాతం ఎక్కువ అని వివిధ సర్వేలు చెబుతున్నాయి. ఇది ఇక్కడితో ముగియదు, ఇంకా చాలా ప్రమాదాలున్నాయి.

క్రమ రహితంగా నిద్రపోవడం మధుమేహం వంటి సమస్యల ప్రమాదాన్ని పెంచుతాయి. కాబట్టి రక్తంలో చక్కెర స్థాయిలను అదుపులో ఉంచుకోవడానికి తగినంత నిద్ర ఉండాలి.

అతిగా నిద్రపోయేవారి శరీరంలో కొలెస్ట్రాల్ స్థాయి పెరుగుతుంది. మీరు ఎంత ఎక్కువ నిద్రపోతే, శరీరంలో అంత ఎక్కువ కొవ్వు పేరుకుపోతుంది.

నిద్రలేమి డిప్రెషన్ సమస్యను పెంచుతుంది. ఆశ్చర్యకరంగా, అతిగా నిద్రపోవడం కూడా డిప్రెషన్‌కు దారి తీస్తుంది. ఇది మీ ప్రశాంతతను దూరం చేస్తుంది.

ఎక్కువ సేపు నిద్రపోవడం వల్ల వెన్నునొప్పి వస్తుంది. అంతేకాకుండా, నిద్రించే స్థలం సరిగ్గా లేకుంటే, కండరాల నొప్పి తీవ్రంగా మారుతుంది.

మైగ్రేన్ నొప్పితో బాధపడుతున్నారా? అతిగా నిద్రపోవడం వల్ల మైగ్రేన్ లేదా తలనొప్పి మరింత తీవ్రమవుతుంది.

రోజుకు 7-8 గంటలు నిద్రపోయే వ్యక్తుల కంటే 9 గంటలు లేదా అంతకంటే ఎక్కువ నిద్రపోయే వ్యక్తుల జీవితకాలం కొంచెం తక్కువగా ఉంటుందని అధ్యయనాలు సూచిస్తున్నాయి.