మైక్రోప్లాస్టిక్ వీర్య నాణ్యతను దెబ్బతీస్తోందా?

మైక్రోప్లాస్టిక్ అనేది ఒక ప్రత్యేక రకం ప్లాస్టిక్. ఇది ఆధునిక నాగరికతలో భాగమైపోయింది. ఇది సంభోగం యొక్క తీవ్రతను తగ్గిస్తుందని శాస్త్రవేత్తల పరిశోధనలో తేలింది.

ఆహారంలో కూడా మైక్రోప్లాస్టిక్‌ ఉన్నట్లు గుర్తించారు. ఈ రకమైన ప్లాస్టిక్ గాలిలో కూడా ప్రయాణించగలదు. దీని ఫలితంగా శ్వాసకోశ వ్యాధులకు కారణమవుతోందని విశ్వసిస్తున్నారు.

విపరీతంగా ప్లాస్టిక్ వాడకం వల్లే ఇలాంటి పరిస్థితి తలెత్తిందని నిపుణులు అభిప్రాయపడుతున్నారు. కుళ్ళిపోని ప్లాస్టిక్.. ఆహారం, నీటి ద్వారా శరీరంలోకి చేరుతోందని డాక్టర్ శృతి ఎన్ మానే హిందుస్థాన్ టైమ్స్‌తో చెప్పారు.

పర్యావరణాన్ని కలుషితం చేసే వివిధ హానికరమైన పదార్థాల వల్ల 40 శాతం మంది పురుషుల వీర్య నాణ్యత ప్రభావితమవుతుంది. మైక్రోప్లాస్టిక్ స్పెర్మ్ కణాల విభజన, దాని పంపిణీపై ప్రభావం చూపుతోందని తేలింది.

మైక్రోప్లాస్టిక్‌ సెమినల్ వెసికిల్స్‌లో పేరుకుపోతాయని గుర్తించారు. స్పెర్మ్ కౌంట్ పెరిగేకొద్దీ పురుషులలో ఒత్తిడి సంబంధిత సమస్యలు పెరుగుతాయి. అదే సమయంల, యాంటీఆక్సిడెంట్ల రేటు తగ్గుతోంది. 

ఈ యాంటీఆక్సిడెంట్ క్షీణత స్పెర్మ్ నాణ్యత తగ్గడానికి ప్రధాన కారణం. పురుషులతో పాటు స్త్రీల అండాశయాలలో కూడా ఇదే జరుగుతుంది. రియాక్టివ్ ఆక్సిజన్ జాతులు అని పేరున్న కొన్ని అణువులు మైక్రోప్లాస్టిక్‌ల నుండి పుడతాయి. దీనివల్ల స్త్రీ, పురుషులిద్దరి పునరుత్పత్తి వ్యవస్థ దెబ్బతింటుంది.