నేటి నుంచి ఈ మూడు రాశుల వారికి అదృష్ట యోగం.. ధనలాభం, ఆనందం, పురోగతి ఎక్కువగా..!

జ్యోతిషం ప్రకారం, బుధుడి సంచారం జనాల అదృష్టాలను మార్చేస్తుంటుంది. గ్రహాల రాకుమారుడైన బుధుడు నేడు (జనవరి 4) రాశి మారాడు. దీంతో 2025 తొలి వారం నుంచే కొన్ని రాశుల వారికి అదృష్టం షురూ అయింది. 

బుధుడు నేటి (జనవరి 4, 2025) మధ్యాహ్నం 12.11 గంటల సమయంలో ధనూ (ధనస్సు) రాశిలోకి అడుగుపెట్టాడు. వృశ్చికాన్ని వీడాడు. జనవరి 24వ తేదీ సాయంత్రం వరకు ధనూ రాశిలో బుధుడు సంచరిస్తాడు. ఈ కాలంలో మూడు రాశుల వారికి అదృష్టం, ప్రయోజనాలు అధికంగా ఉంటాయి. 

మిథునం: ధనూ రాశిలో బుధుడు సంచరించే కాలం మిథున రాశి వారికి శుభప్రదంగా ఉంటుంది. వ్యాపారులకు ఆదాయం పెరిగే అవకాశాలు ఎక్కువగా ఉంటాయి. చాలా మందికి ధన లాభాలు ఎక్కువగా ఉంటాయి. ఉద్యోగులకు పురోగతి ఉంటుంది. సహచరుల నుంచి మద్దతు పెరుగుతుంది. 

మకరం: ఈ కాలంలో మకరరాశి వారి దశ తిరుగుతుంది. అదృష్టం పెరుగుతుంది. కుటుంబ జీవితంలో సంతోషం నెలకొంటుంది. భాగస్వామితో బంధం మరింత బలపడుతుంది. కెరీర్లో పురోగతి కనిపిస్తుంది. వ్యాపారులకు, ఉద్యోగులకు ఆర్థికంగా సానుకూలంగా పరిస్థితులు ఉంటాయి. సమాజంలో గౌరవం పెరుగుతుంది. 

మేషం: ధనూ రాశిలో బుధుడి సంచారం మేష రాశి వారికి లాభాలు తెచ్చిపెడుతుంది. పెండింగ్ పనులు చాలా పూర్తయ్యే అవకాశం ఉంటుంది. ఈ కాలంలో ధనపరంగా లాభాలు ఎక్కువగా పొందే ఛాన్స్ మెండు. ప్రయాణాలు చేయాల్సి రావొచ్చు. తోబుట్టువుల నుంచి ఎక్కువ పనుల్లో సపోర్ట్ ఉంటుంది. కుటుంబంతో ఆనందంగా గడుపుతారు. (గమనిక: శాస్త్రాలు, విశ్వాసాల ఆధారంగా ఈ సమాచారం అందించాం. వీటికి కచ్చితమైన ధృవీకరణ, ఆధారాలు ఉండవు. సందేహాల నివృత్తి, వ్యక్తిగత ప్రభావాల కోసం సంబంధిత నిపుణులను సంప్రదించవచ్చు)