Murder Mystery OTT: ఓటీటీలో మిస్స‌వ్వ‌కుండా చూడాల్సిన కొరియ‌న్ మ‌ర్డ‌ర్ మిస్ట‌రీ థ్రిల్ల‌ర్ మూవీస్ ఇవే!

మెమోరీస్ ఆఫ్ మ‌ర్డ‌ర్ ఆల్ టైమ్ బెస్ట్ కొరియ‌న్ మూవీస్‌లో ఒక‌టిగా నిలిచింది. మ‌ర్డ‌ర్ మిస్ట‌రీ థ్రిల్ల‌ర్ క‌థాంశంతో రూపొందిన ఈ మూవీ నెట్‌ఫ్లిక్స్‌లో స్ట్రీమింగ్ అవుతోంది. వ‌రుస హ‌త్య‌ల మిస్ట‌రీని సాల్వ్ చేసే క్ర‌మంలో ఇద్ద‌రు కొరియ‌న్ డిటెక్టివ్‌ల‌కు ఎదురైన అనుభ‌వాల‌తో ఈ మూవీ తెర‌కెక్కింది. 

కొరియ‌న్ మూవీ మ‌ద‌ర్ అమెజాన్ ప్రైమ్‌లో స్ట్రీమింగ్ అవుతోంది. మ‌ర్డ‌ర్ కేసులో చిక్కుకున్న అమాయ‌కుడైన త‌న కొడుకు  ఓ త‌ల్లి ఎలా నిర‌ప‌రాధిగా నిరూపించింద‌నే పాయింట్‌తో ఈ మూవీ సాగుతుంది.

కొరియ‌న్ మిస్ట‌రీ థ్రిల్ల‌ర్ మూవీ ఫ‌ర్‌గ‌ట‌న్ నెట్‌ఫ్లిక్స్‌లో చూడొచ్చు. గ‌తం మ‌ర్చిపోయి ఓ మ‌ర్డ‌ర్ కేసులో అరెస్ట్ అయిన త‌న సోద‌రుడిని ఓ యువ‌కుడు ఎలా విడిపించాడ‌న్న‌దే ఈ మూవీ క‌థ‌. 

కొరియ‌న్ మూవీ డెసిష‌న్ టూ లీవ్ అమెజాన్ ప్రైమ్‌లో అందుబాటులో ఉంది. ఓ వ్య‌క్తి హ‌త్య కేసులో అత‌డి భార్య అనుమానితురాలిగా అరెస్ట్ అవుతుంది. ఈ కేసును ఓ డిటెక్టివ్ సాల్వ్ చేశాడ‌నే అంశాల‌తో డెషిష‌న్ టూ లీవ్ మూవీ తెర‌కెక్కింది.