మరో నాలుగు రోజుల్లో ఈ మూడు రాశులకు ఇక పండగే.. కుజుడు, వరుణుడి సంయోగంతో నవ పంచమ రాజ యోగం

ఏప్రిల్ 20, 2025 ఉదయం 4:20 గంటలకు ఒక మహాయోగం ఏర్పడుతుంది. ఈ కాలంలో గ్రహాలకు అధిపతి అయిన కుజుడు, వరుణుడు (నెప్ట్యూన్) ఒకదానికొకటి 120 డిగ్రీల కోణంలో ఉంటారు, కాబట్టి ఈ యోగం ఏర్పడుతుంది.

మరుగుజ్జు గ్రహంగా పిలిచే ఈ వరుణ గ్రహం(నెప్ట్యూన్) ప్రస్తుతం మీన రాశిలో ఉంది. కుజుడు దాని ప్రత్యేక స్థానంలో ఉన్న వారికి శౌర్యం, ధైర్యం, పోరాటం, జీవితంలో విజయానికి ప్రతీక. అటువంటి పరిస్థితిలో, రెండు గ్రహాలు కలిసి నవ పంచమ రాజ యోగాన్ని ఏర్పరచినప్పుడు దాని ప్రభావం చాలా ప్రభావవంతంగా ఉంటుంది.

తమ జాతకంలో కుజుడు లేదా వరుణుడి ప్రభావం ఉన్నవారు లేదా కుజుడు లేదా వరుణుడి మహాదశ ఉన్నవారు ఈ నవ పంచమ రాజ యోగం నుండి ప్రయోజనాలు పొందుతారు. ఈ మహాయోగం మూడు రాశుల వారికి ప్రత్యేక ప్రయోజనాలను కలిగిస్తుంది. అవేంటో చూడండి.

కర్కాటక రాశి: నవ పంచమ మహాయోగం కర్కాటక రాశివారిపై సానుకూల ప్రభావం చూపుతుంది. ఆధ్యాత్మిక పురోభివృద్ధితో గౌరవం, ఆర్థిక లాభాలకు మార్గం సుగమం అవుతుంది. కుటుంబ కలహాలు సమసిపోతాయి. ధార్మిక కార్యక్రమాల పట్ల ఆసక్తి పెరుగుతుంది. ఆధ్యాత్మిక తీర్థయాత్రలకు వెళ్ళాలని యోచిస్తారు. సమాజంలో మీ ప్రతిష్ఠ బలపడుతుంది. మీరు కొత్త ప్రాజెక్టులలో పనిచేయడం ప్రారంభిస్తారు. కొత్త ఉద్యోగం లేదా కొత్త వ్యాపారం ప్రారంభించే అవకాశం లభిస్తుంది.

కన్యారాశి : కన్య రాశి వారు నవ పంచయ రాజ యోగం వల్ల ప్రత్యేక ప్రయోజనాలు పొందుతారు. కోర్టుకు సంబంధించిన విషయాలకు పరిష్కారం లభిస్తుంది. వృత్తిలో పురోగతి సాధిస్తారు. మీ శ్రమకు తగిన ఫలితం లభిస్తుంది. ఆస్తికి సంబంధించిన వివాదాలు పరిష్కారమవుతాయి. వ్యాపారంలో లాభాలు ఉంటాయి. ప్రేమ జీవితంలో విజయం సాధిస్తారు. జీవితంలోని ప్రతి రంగంలోనూ మంచి ఫలితాలు, విజయం సాధిస్తారు.

తులా రాశి వారికి నవ పంచమ రాజయోగం ప్రయోజనకరంగా ఉంటుంది. వీళ్లలో ఆత్మవిశ్వాసం పెరుగుతుంది. ప్రతి రంగంలోనూ మెరుగ్గా రాణిస్తారు. ఉద్యోగస్తులకు కొత్త అవకాశాలు లభిస్తాయి. కొత్త వ్యాపారం ప్రారంభించడానికి ఇది మంచి సమయం. అసంపూర్తిగా ఉన్న పనులు పూర్తవుతాయి. మీరు భారీ లాభాలు ఆర్జించవచ్చు. ఆర్థిక పరిస్థితి మునుపటి కంటే మెరుగ్గా ఉంటుంది. కుటుంబంతో సంతోషంగా గడుపుతారు. మీ జీవితంలో స్థిరత్వం వస్తుంది.