Manu Bhaker: కల నెరవేర్చుకున్న మనూ భాకర్, సచిన్ నుంచి స్పెషల్ గిఫ్ట్

పారిస్ ఒలింపిక్స్‌లో అద్భుత ప్రదర్శనతో ఫేమస్ అయిన మను భాకర్ సచిన్‌ను మర్యాదపూర్వకంగా కలిసింది. 

క్రికెట్ ఐకాన్ సచిన్‌తో కలిసి దిగిన పలు ఫోటోలను షేర్ చేసింది భాకర్.

సచిన్ టెండూల్కర్ తో మను భాకర్ దిగిన ఫొటోలు సోషల్ మీడియాలో వైరల్ గా మారాయి.. దీనిపై అభిమానులు కామెంట్లు చేస్తున్నారు. 

మను భాకర్ ఇష్టమైన ఆటగాడు స్ప్రింటర్ ఉసేన్ బోల్ట్.  ఆయన తరువాత ధోనీ, విరాట్ కోహ్లీ ఆమె అభిమాన ఆటగాళ్లు.

మను భాకర్‌కు సచిన్ గణపతి విగ్రహాన్ని బహూకరించారు. ఆసక్తికరమైన విషయం ఏమిటంటే, మను ఐదు రోజుల క్రితం సచిన్, విరాట్, ధోనిలను కలవాలని ఉందని కోరికను వ్యక్తం చేసింది. ఇప్పుడు కేవలం 5 రోజుల్లోనే క్రికెట్ దేవుడు సచిన్ టెండూల్కర్ ను కలవాలనే కోరికను నెరవేర్చుకుంది.

పారిస్ లో జరిగిన 10 మీటర్ల ఎయిర్ పిస్టల్ ఈవెంట్ లో కాంస్య పతకం సాధించడం ద్వారా మను పారిస్ ఒలింపిక్స్ లో అద్భుతమైన ప్రదర్శన చేసింది. ఆమె ప్రదర్శన భారతదేశానికి రెండు పతకాలను సంపాదించిపెట్టింది. ఆమెను భారతదేశపు గొప్ప అథ్లెట్లలో ఒకరిగా చేసింది.