Lunar Eclipse 2022 Effect on Zodiacs । మేషరాశిలో చంద్రగ్రహణం.. ఈ రాశుల వారు జాగ్రత్త!

Nov 07, 2022, 02:25 PM IST HT Telugu Desk

Nov 07, 2022, 02:25 PM , IST

HT Telugu Desk

Lunar Eclipse 2022: నవంబర్ 8న మంగళవారం చంద్రగ్రహణం మేష రాశిలో సంభవిస్తుంది. ఇది కొన్ని రాశుల వారిపై చెడు ప్రభావాన్ని కలిగి ఉంది. అందులో మీ రాశి ఉందేమో చూసుకోండి.

(1 / 8)

కొద్ది రోజుల క్రితమే సూర్యగ్రహణం ఏర్పడింది. మళ్లీ పక్షం వ్యవధిలోనే చంద్రగ్రహణం సంభవిస్తుంది. ఇలా స్వల్ప వ్యవధిలో రెండు గ్రహణాలు ఏర్పడం కారణంగా కొన్ని ఆందోళనలు ఉన్నాయి.

(2 / 8)

పురాణాల ప్రకారం, మహాభారత కాలంలో, ఇలా ఒకేసారి రెండు గ్రహణాలు వచ్చాయి. ఆ తర్వాత కురుక్షేత్ర యుద్ధం జరిగింది. ఆ యుద్ధంలో చాలా మంది చనిపోయారు. ఇప్పుడు మళ్లీ అలాంటి పరిస్థితి ఏర్పడింది. అయితే మరీ అలాంటి ప్రమాదం, ఆందోళనలు లేవు కానీ. ఈ చంద్ర గ్రహణం ప్రభావం కొన్ని రాశులకు చెడు ఫలితాలను కలిగిస్తుంది.

(3 / 8)

2022 నవంబర్ 8న చంద్రగ్రహణం మేష రాశిలో సంభవిస్తుంది. అది మిగతా కొన్ని రాశులపై చెడు ప్రభావం చూపుతుంది. కాబట్టి జాగ్రత్తగా ఉండాలి..(Unsplash)

(4 / 8)

మేషం: చంద్రగ్రహణం సమయంలో ఈ రాశివారు జాగ్రత్తగా ఉండాలి. చంద్రగ్రహణం ప్రభావం చేత మేష రాశి వారి ఆరోగ్యం ప్రాథమికంగా క్షీణించవచ్చు. గాయాల బారిన పడతారు, కాబట్టి ప్రయాణాల్లో జాగ్రత్త. కీళ్లనొప్పులు వంటి సమస్యలతో బాధపడేవారికి నొప్పి పెరుగుతుంది. కాబట్టి వారు జాగ్రత్తగా ఉండాలి

(5 / 8)

వృషభం: చంద్రగ్రహణం ఈ రాశి వారికి మానసిక ఆందోళనలను కలిగిస్తుంది, ముఖ్యంగా కుటుంబ విషయాలలో వారు వివిధ సమస్యలను ఎదుర్కోవచ్చు. వివాహంలో కలహాలు ఉండవచ్చు. ఆర్థిక విషయాలలో కుటుంబ సభ్యులతో వివాదాలు ఏర్పడవచ్చు. ఉద్యోగంలో అనాలోచితంగా చేసుకున్న కర్మలకు ఫలితాలను అనుభవించవచ్చు.

(6 / 8)

కన్య: ఈ రాశి వారు చంద్రగ్రహణం నుంచి రాబోయే కొద్ది రోజుల వరకు అప్రమత్తంగా ఉండాలి. ఎందుకంటే ఈ సమయంలో వారు ఆర్థికంగా నష్టపోవచ్చు. ఆదాయానికి మించి ఖర్చులు ఉండవచ్చు. శారీరక సమస్యలను కూడా ఎదుర్కోవచ్చు.

(7 / 8)

మకరం: ఈ రాశి వారికి చంద్రగ్రహణం అంత శ్రేయస్కరం కాదు. ఉద్యోగ, ఉపాధి రంగంలో ఒత్తిడి ఎక్కువగా ఉంటుంది. చేతిలో డబ్బు నిలవదు. ఆర్థిక ఇబ్బందులు ఒత్తిడికి దారితీస్తాయి. శారీరక, మానసిక ఆరోగ్యం పట్ల మరింత శ్రద్ద అవసరం.

సంబంధిత కథనం