Lucky Zodiac Signs: కృష్ణాష్టమి నుంచి ఈ రాశుల వారికి మెండుగా అదృష్టం.. సంపద, ప్రశంసలు సహా మరిన్ని లాభాలు!

జ్యోతిష శాస్త్రం ప్రకారం, గ్రహాల రాకుమారుడైన బుధుడి సంచారం అన్ని రాశులపై ప్రభావాన్ని చూపుతుంది. ప్రస్తుతం కర్కాటక రాశిలో తిరోగమన దిశలో సంచరిస్తున్న బుధుడు.. శ్రీ కృష్ణ జన్మాష్టమి రోజైన ఆగస్టు 26న ఆ రాశిలో ఉదయించనున్నాడు. 

కర్కాటక రాశిలో బుధుడు ఉదయించడం వల్ల ఆగస్టు 26వ తేదీ నుంచి కొన్ని రాశులకు కలిసి రానుంది. డబ్బు, ప్రశంసలతో పాటు మరిన్ని ప్రయోజనాలు చేకూరే అవకాశం ఉంది. ఈ ప్రభావం సుమారు 12 రోజుల పాటు ఉంటుంది. కర్కాటకంలో బుధుడు ఉదయించడం వల్ల లాభపడే రాశులు ఏవంటే..

తులా: కర్కాటకంలో బుధుడు ఉదయించడం తులా రాశి వారికి కలిసి వస్తుంది. ఈ కాలంలో వీరు చేసే పనులు ప్రశంసలను పొందే అవకాశాలు ఎక్కువగా ఉంటాయి. వీరి ఆదాయం మెరుగ్గా ఉంటుంది. వ్యాపారస్తులకు మంచి లాభాలు చేకూరే ఛాన్స్ ఉంటుంది. ఉద్యోగస్తులు ఉన్నతాధికారుల నుంచి ప్రశంసలు పొందుతారు. 

మిథునం: ఈ కాలంలో వీరికి ఆకస్మిక సంపద దక్కే అవకాశాలు ఉంటాయి. కుటుంబంతో బంధం మెరుగుపడుతుంది. నాణ్యమైన సమయాన్ని గడుపుతారు. వ్యాపారాలను విస్తరించొచ్చు. లాభాలు పెరుగుతాయి. చాలా కాలంగా రావాల్సిన డబ్బు పొందే ఛాన్స్ ఉంది.

కన్య: కర్కాటకంలో బుధుడు ఉదయించడం వల్ల కన్యా రాశి వారికి శుభప్రదంగా ఉంటుంది. ఈ కాలంలో వీరికి ఆదాయ మార్గాలు పెరుగుతాయి. కెరీర్ పరంగా కలిసి వస్తుంది. జీతం పెరిగే అవకాశాలు ఉంటాయి. సంతానం కోసం ప్రయత్నిస్తున్న వారు శుభవార్త వినే ఛాన్స్ ఉంది. (గమనిక: శాస్త్రాలు, నమ్మకాల ఆధారంగా ఈ సమాచారం అందించాం. వీటికి శాస్త్రీయ ఆధారాలు ఉండవు. వ్యక్తిగత ప్రభావాలు, సందేహాలను తీర్చుకోవడం కోసం సంబంధిత నిపుణులను సంప్రదించొచ్చు.)