షారుఖ్ ఖాన్ మాన్షన్ ఎంత అద్భుతంగా ఉందో చూడండి, దీని అద్దె రోజుకు దాదాపు 2 లక్షలట!

బాలీవుడ్ బాద్ షాగా ప్రసిద్ధి చెందిన నటుడు షారుఖ్ ఖాన్ చిత్ర పరిశ్రమలో అత్యధికంగా సంపాదిస్తున్న నటులలో ఒకరు అనడంలో ఎలాంటి సందేహం లేదు. ప్రపంచ ఐకాన్‌ అయిన ఈయనకు హాలీవుడ్‌లోని బెవర్లీ హిల్స్‌లో రాత్రికి ₹ 2 లక్షలరూపాయల అద్దె వసూలు చేసి విలాసవంతమైన వెకేషన్ మాన్షన్ ఉందని మీకు తెలుసా?

లాస్ ఏంజిల్స్ లోని షారూక్ ఖాన్ "లా మాన్షన్" అత్యంత విలాసవంతంగా, అద్భుతంగా ఉంటుంది. ఇంట్లోనే స్విమ్మింగ్ పూల్, ఆశ్చర్యపరిచేలా ఉండే వంటగది, పచ్చిక బయళ్ళు, తోటలు, గేమింగ్ జోన్ వంటి ఎన్నో విశేషాలు అక్కడ ఉంటాయి. ఇక్కడ ఉండాలంటే రోజుకు ₹2 లక్షలు అద్దె చెల్లించాలి.

ప్యాలెస్ లాంటి ఈ లగ్జరీ హౌస్ లో చాలా పెద్ద స్విమ్మింగ్ పూల్ ఉంది. అక్కడ దిగిన ఈ ఫోటోను షారుఖ్ ఖాన్ స్వయంగా షేర్ చేశారు. ఈ ఫోటోలో ఆయన స్విమ్మింగ్ పూల్ ఒడ్డున కూర్చొని ఫోటోకు ఫోజులిచ్చారు.

ఇది కింగ్ ఖాన్ ఇంటిలోని అందమైన బాత్రూం. ఇది రాజ స్నానాలను గుర్తుకు తెస్తుంది. ఈ బాత్రూం హాలు చాలా పెద్దది. అలాగే అందంగా అలంకరించి ఉంటుంది. వివిధ రకాల సెంటెంట్ కొవ్వొత్తులు ఎన్నో ఇక్కడ కనిపిస్తాయి.

విలాసవంతమైన సోఫాలు, గోడల మీద ఖరీదైన పెయింటింగ్ లతో అద్భుతంగా కపినిపిస్తున్న హాల్ ఇది. ఇక్కడ బస చేసేవారు ఈ అందమైన ప్రదేశంలో సేదతీరవచ్చు.

ప్యాలెస్ లాంటి ఈ లగ్జరీ హౌస్ లో చాలా పెద్ద స్విమ్మింగ్ పూల్ ఉంది. చూట్టూ పచ్చదనంతో నిండిన లాన్ ఏరియా చాలా ఆకర్షణీయంగా అందంగా ఉంటుంది. ఈయన లాస్ ఏంజిల్స్ కి వచ్చినప్పుడల్లా ఇక్కడ ఎక్కువ సేపు సేద తీరుతారు.

అత్యంత విలువైన, విలాసవంతమైన ఈ మాన్షన్ బయటి నుండి ఇలా కనిపిస్తుంది. అందమైన బాల్కనీ, ముందు స్విమ్మింగ్ పూల్, గార్డెన్, స్పామింగ్ ఫూల్ ముందు విస్తరించిన సులభమైన మంచాలు ఇవన్నీ లగ్జరియస్ లైఫ్ అంటే ఏంటో చూపిస్తాయి.

ఈ మాన్షన్ ఆరు విశాలమైన బెడ్‌రూమ్‌లను కలిగి ఉంది. వాటిలో విశాలమైన జాకుజీలు, భారీ కొలనును చూసే ప్రైవేట్ క్యాబిన్ లు, ఒక ప్రైవేట్ టెన్నిస్ కోర్టు, డ్రాయింగ్ రూం వంటివెన్నో ఉన్నాయి. ఈ విలాసవంతమైన ప్రదేశం శాంటా మోనికా, రోడియో డ్రైవ్, వెస్ట్ హాలీవుడ్ నుండి ఐదు నిమిషాల నడక దూరంలో ఉంది.షారుఖ్ ఖాన్ గత కొన్నేళ్లుగా ఈ ఇంటిని అద్దెకు ఇస్తూ రోజుకు రెండు లక్షల రూపాయల వరకూ సంపాదిస్తున్నారు.